କନ୍ଧମାଳ- ଫିରିଙ୍ଗିଆ ବ୍ଲକ ଅନ୍ତର୍ଗତ ସୁମେରୁବନ୍ଧ ଅଂଚଳର ଜଙ୍ଗଲେ ଶୁକ୍ରବାର ପୁଲିସ୍ର ଏସଓଜି ଜବାନଙ୍କ ସହ ମାଓବାଦୀଙ୍କ ମଧ୍ୟରେ ପ୍ରବଳ ଗୁଳି ବିନିମୟ ହୋଇଛି । ସକାଳ ଓ ସନ୍ଧ୍ୟାରେ ଏହି ଗୁଳିବିନିମୟ ହୋଇଥିବା ବେଳଳେ ମାଓବାଦୀମାନେ କ୍ୟାମ୍ପ ଛାଡି ପଳାଇଥିବା ଜଣା ପଡିଛି ।
ଏସପି ପ୍ରତିକ୍ ସିଂଙ୍କ ସୂଚନା ଅନୁଯାୟୀ ସୁମେରୁବନ୍ଧ ଅଂଚଳରେ ଥିବା ଜଙ୍ଗଲରେ ମାଓବାଦୀ ଚଳପ୍ରଚଳ ହେଉଥିବା ନେଇ ସୂଚନା ପଇବା ପରେ ଶୁକ୍ରବାର ଏସଓଜି ଟିମ୍ କୁମ୍ବିଂ ଅପରେସନ କରିଥିଲା । କୁମ୍ବିଂ ଅପରେସନ ଚାଲିଥିବା ସମୟରେ ସକାଳ ପ୍ରାୟ ୮ଟା ବେଳେ ମାଓବାଦୀମାନେ ଗୁଳି ଚାଳନା କରିଥିଲେ । ଏସଓଜି ଜବାନମାନେ ଏହାର ପାଲଟା ଜବାବ ଦେଇଥିଲେ । ଜବାନଙ୍କ ପ୍ରତି ଆକ୍ରମଣକୁ ସମ୍ଭାଳି ନପାରି ମାଓବାଦୀମାନେ ଛତ୍ରଭଙ୍ଗ ଦେଇ କ୍ୟାମ୍ପ ଛାଡି ପଳାଇଥିଲେ । । ଏହା ପରେ ମଧ୍ୟ ଯବାନ ମାନେ ଜଙ୍ଗଲରେ ସର୍ଚ ଅପରେସନ ଜାରି ରଖିଥିବା ବେଳେ ସନ୍ଧ୍ୟା ପ୍ରାୟ ୫ଟାରେ ପୁଣି ମାଓବାଦୀଙ୍କ ତରଫରୁ ଗୁଳି ଚାଳନା ହୋଇଥିଲା । ତେବେ ସନ୍ଧ୍ୟା ହୋଇ ଯାଇଥିବାରୁ କିଛି ସମୟ ଗୁଳି ମବିନିମୟ ପରେ ମାଓବାଦୀମାନେ ଘଂଚ ଜଙ୍ଗଲ ମଧ୍ୟକୁ ଚାଲି ଯାଇଥିଲେ । ପରେ ଯବାନମାନେ କ୍ୟାମ୍ପ ଉପରେ ଚଢାଉ କରି ମାଓବାଦୀ ଛାଡି ଯାଇଥିବା ବିପୁଳ ସାମଗ୍ରୀ ଜବତ କରିଥିବା ସୂଚନା ମିଳିଛି । ତେବେ ଯବାନମାନେ ସେଠାରୁ ଫେରି ନଥିବାରୁ କଣ ସବୁ ଜବତ ହୋଇଛି ଏବଂ କିଛି କାଜୁଆଲିଟି ହୋଇଛି କି ନାହିଁ ଜଣା ପଡିବ ବୋଲି ଏସପି ଶ୍ରୀ ସିଂ ସୂଚନା ଦେଇଛନ୍ତି ।
