ଭୁବନେଶ୍ୱର– ଜାତିର ପିତା ମହାତ୍ମା ଗାନ୍ଧିଙ୍କୁ ଶ୍ରଦ୍ଧାଂଜଳି ଜ୍ଞାପନ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସୋସିଆଲ ମିଡିଆ ଏକ୍ସରେ କେନ୍ଦ୍ରମନ୍ତ୍ରୀ କହିଛନ୍ତି ଯେ, ସଂପୂର୍ଣ୍ଣ ବିଶ୍ୱକୁ ସତ୍ୟ ଓ ଅହିଂସାର ମାର୍ଗ ଦେଖାଇଥିବା ରାଷ୍ଟ୍ରପତି ମହାତ୍ମା ଗାନ୍ଧୀଙ୍କ ଜୟନ୍ତୀ ଅବସରରେ ଶ୍ରଦ୍ଧାପୂର୍ବକ ପ୍ରଣାମ ।
ଗାନ୍ଧୀଜୀ ସ୍ୱଚ୍ଛତା ଓ ଆତ୍ମନିର୍ଭରତା ଉପରେ ବିଶେଷ ଗୁରୁତ୍ୱ ଦେଇଥିଲେ । ଏକ ସଶକ୍ତ ରାଷ୍ଟ୍ରର ଭିତ୍ତିଭୂମି ସ୍ୱଚ୍ଛତା ଓ ଆତ୍ମନିର୍ଭର ନାଗରିକଙ୍କ ଉପରେ ତିଷ୍ଠିଥାଏ । ଆତ୍ମନିର୍ଭରତାକୁ ପ୍ରୋତ୍ସାହିତ କରିବା ପାଇଁ ସେ ଖଦି ଓ ସ୍ୱଦେଶୀ ବସ୍ତ୍ରର ଉପଯୋଗ ଉପରେ ଗୁରୁତ୍ୱ ଦେଇଥିଲେ । ମହାତ୍ମା ଗାନ୍ଧୀଙ୍କ ସ୍ୱଦେଶୀ, ସ୍ୱଭାବ, ସ୍ୱଚ୍ଛତା ଓ ସ୍ୱରାଜ ପାଇଁ ବିଚାର ଚିରଦିନ ପାଇଁ ଆମ ସମସ୍ତ ଦେଶବାସୀଙ୍କୁ ପ୍ରେରିତ କରୁଥିବ ।
