ନୂଆଦିଲ୍ଲୀ– ମହାତ୍ମା ଗାନ୍ଧୀଙ୍କ ଜୟନ୍ତୀ ଅବସରରେ ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ତଥା କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଜେପି ନଡ୍ଡା କହିଛନ୍ତି ଯେ, ସ୍ୱାଧୀନତା ସଂଗ୍ରାମରେ ଖଦି ଗୁରୁତ୍ୱପୂର୍ଣ୍ଣ ଭୂମିକା ନିଭାଇଥିଲା । ମହାତ୍ମା ଗାନ୍ଧୀ ସବୁବେଳେ ଖଦିକୁ ଆପଣାଇଥିଲେ ଏବଂ ଏହା ଜରିଆରେ ଦେଶବାସୀଙ୍କୁ ସ୍ୱାଧୀନତା ପାଇଁ ଏକଜୁଟ କରିଥିଲେ । ଏଥିପାଇଁ ଖଦି ବହୁତ ଗୁରୁତ୍ୱପୂର୍ଣ୍ଣ ରହିଛି । ଏହା ଦେଶବାସୀଙ୍କ ସ୍ୱାବଲମ୍ବନ ଓ ଏକଜୁଟତାକୁ ସାକାର କରିଛି । ବୁଧବାର ଜେପି ନଡ୍ଡା କନାଂଟ ପ୍ଲେସ ସ୍ଥିତ ଖଦି ଷ୍ଟୋରରୁ ବସ୍ତ୍ର କିଣିବା ସହ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତିରେ ପୁଷ୍ପାଂଜଳି ଅର୍ପଣ କରିଛନ୍ତି ।
