ନୂଆଦିଲ୍ଲୀ-ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଜି ଦକ୍ଷିଣର ପ୍ରମୁଖ ରାଜ୍ୟ ତେଲେଙ୍ଗାନା ଗସ୍ତ କରିବେ । ସେ ସେଠାରେ ହାଇଦ୍ରାବାଦର ନଲସର ୟୁନିଭର୍ସିଟି ଅଫ୍ ଲର 21ତମ ଦୀକ୍ଷାନ୍ତ ସମାରୋହରେ ଭାଗ ନେବେ । ରାଷ୍ଟ୍ରପତିଙ୍କ କାର୍ଯ୍ୟକ୍ରମ ନେଇ ପିଆଇବି ପକ୍ଷରୁ ସୂଚନା ଦିଆଯାଇଛି । ପିଆଇବି ଅନୁସାରେ, ରାଷ୍ଟ୍ରପତି ମୁର୍ମୁ ସିକନ୍ଦରାବାଦ ସ୍ଥିତ ରାଷ୍ଟ୍ରପତି ନିଲୟମରେ ଭାରତୀୟ କଳା ମହୋତ୍ସବ-2024ର ଉଦଘାଟନ କରିବେ । ଆଠ ଦିବସୀୟ କଳା ମହୋତ୍ସବରେ ଅରୁଣାଚଳ ପ୍ରଦେଶ, ଆସାମ, ମଣିପୁର, ମେଘାଳୟ, ମିଜୋରାମ, ନାଗାଲାଣ୍ଡ, ସିକ୍କିମ ଓ ତ୍ରିପୁରାର କଳା, ସଂସ୍କୃତି, ଶିଳ୍ପ ବିବିଧତାର ପ୍ରଦର୍ଶନା କରାଯିବ ।
