ଭୁବନେଶ୍ୱର– ଈଶ୍ୱରଚନ୍ଦ୍ର ବିଦ୍ୟାସାଗରଙ୍କୁ ଶ୍ରଦ୍ଧାଂଜଳି ଜ୍ଞାପନ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସୋସିଆଲ ହ୍ୟାଣ୍ଡେଲ ଏକ୍ସରେ କେନ୍ଦ୍ରମନ୍ତ୍ରୀ କହିଛନ୍ତି ଯେ, ଭାରତୀୟ ପୁନର୍ଜାଗରଣର ପିତାମହ, ମହାନ ସମାଜ ସୁଧାରକ ଓ ଶିକ୍ଷାବିତ ଈଶ୍ୱର ଚନ୍ଦ୍ର ବିଦ୍ୟାସାଗର ଶିକ୍ଷା ଓ ସାମାଜିକ ନ୍ୟାୟ ମାଧ୍ୟମରେ ସମାଜକୁ ସକରାତ୍କମ ଦିଗ ଦେଇଥିଲେ । ସମାଜିକ କୁପ୍ରଥା ବିରୁଦ୍ଧରେ ତାଙ୍କ ଅମୂଲ୍ୟ ଯୋଗଦାନ ଭାରତକୁ ନୂଆ ଦିଗ ଓ ଦୃଷ୍ଟି ପ୍ରଦାନ କରିଥିଲା । ବିଦ୍ୟାସାଗର ଭାବୁଥିଲେ ଶିକ୍ଷା ହିଁ ସେହି ମାଧ୍ୟମ ଅଟେ, ଯାହା ସମାଜକୁ ଅନ୍ଧବିଶ୍ୱାସ ଓ କୁପ୍ରଥାରୁ ମୁକ୍ତ କରି ସମାନତା ଓ ସମନ୍ୱୟ ଆଣିପାରିବ । ତାଙ୍କ ଶୈକ୍ଷିକ ଦର୍ଶନରେ ପ୍ରେରିତ ନୂଆ ଜାତୀୟ ଶିକ୍ଷା ନୀତି ସମସ୍ତଙ୍କ ପାଇଁ ସମାବେଶୀ ଓ ଗୁଣବତ୍ତାପୂର୍ଣ୍ଣ ଶିକ୍ଷା ସୁନିଶ୍ଚିତ କରିବାର ଉଦ୍ୟମ କରିଥାଏ । ବିଦ୍ୟାସାଗରଙ୍କ ପ୍ରଗତିଶୀଳ ବିଚାର ଆଜି ବି ପ୍ରାସଙ୍ଗିକ ଓ ଚିର ପ୍ରେରଣାର ସ୍ରୋତ ଅଟେ । ତାଙ୍କ ଜୟନ୍ତୀ ଅବସରରେ କୋଟି କୋଟି ପ୍ରଣାମ ।
