ଭୁବନେଶ୍ୱର/କଟକ– କେନାଲରେ ପଶିଗଲା କାର୍। ଦୁର୍ଘଟଣାରେ ଚାଳକଙ୍କର ମୃତ୍ୟୁ ହୋଇଛି। କଟକ ସଦର ଥାନା ଅନ୍ତର୍ଗତ ବମ୍ଫକୁଦ ଅଞ୍ଚଳରେ ଏହି ଦୁର୍ଘଟଣା ଘଟିଛି। ମୃତକ ହେଲେ ବମ୍ଫୁକୁଦ ଗାଁର କାହ୍ନୁ ଜେନା ।
ପ୍ରାଥମିକ ରିପୋର୍ଟ ମୁତାବକ କାହ୍ନୁ ସୋମବାର ରାତିରୁ ନିଖୋଜ ଥିଲେ । ବିଳମ୍ବିତ ରାତି ଯାଏ ଘରକୁ ନଫେରିବା କାରଣରୁ ପରିବାର ଲୋକେ ତାଙ୍କୁ ଯୋଗାଯୋଗ କରିବା ଓ ତଲାସ କରିବା ଜାରି ରଖିଥିଲେ ।
ମଙ୍ଗଳବାର ସକାଳେ କିଛି ସ୍ଥାନୀୟ ଲୋକେ କେନାଲ ଭିତରେ ଏକ କାର ଦେଖିଥିଲେ । ପରେ ସ୍ଥାନୀୟ ଲୋକେ ଅଗ୍ନିଶମ ବାହିନୀକୁ ଖବର ଦେଇଥିଲେ ଏବଂ ଘଟଣାସ୍ଥଳରେ ଏକ ଟିମ ପହଂଚି କାରକୁ ବାହାରକୁ କାଢିଥିଲେ । କାରଟିକୁ ବାହାର କରିବା ପରେ ଏଥିରୁ କାହ୍ନୁଙ୍କର ମୃତଦେହ ଉଦ୍ଧାର ହୋଇଛି । କାଲି ରାତିରୁ କାରଟି କେନାଲ ଭିତରକୁ ଖସିଯିବା କାରଣରୁ ତାଙ୍କର ମୃତ୍ୟୁ ହୋଇଥିବା ଅନୁମାନ କରାଯାଉଛି ।
