ନ୍ୟୁୟର୍କରେ ପିଏମ ମୋଦିଙ୍କୁ ସାକ୍ଷାତ କଲେ ଓଲି

କାଠମାଣ୍ଡୁ– ନ୍ୟୁୟର୍କରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନେପାଳର ପ୍ରଧାନମନ୍ତ୍ରୀ କେପି ଶର୍ମା ଓଲି ସାକ୍ଷାତ କରିଛନ୍ତି । ଭାରତୀୟ ସମୟାନୁସାରେ ସକାଳ 4.15ମିନିଟରୁ 4.45 ଯାଏ ଏହି ସାକ୍ଷାତ ହୋଇଥିଲା । ପ୍ରଧାନମନ୍ତ୍ରୀ ଓଲି ଏକ୍ସ ପୋଷ୍ଟରେ ସୌହାର୍ଦ୍ଦ୍ୟପୂର୍ଣ୍ଣ ବାତାବରଣରେ ବହୁତ ଭଲ ସାକ୍ଷାତ ହେବାର କଥା କହିଛନ୍ତି । ଓଲି ତୃତୀୟ ଥର ପ୍ରଧାନମନ୍ତ୍ରୀ ହେବା ପରେ ଭାରତୀୟ ପ୍ରଧାନମନ୍ତ୍ରୀ ମୋଦିଙ୍କ ସହ ଏହା ତାଙ୍କର ପ୍ରଥମ ସାକ୍ଷାତ ଅଟେ । ଏହି ସାକ୍ଷାତ ସମୟରେ ଭାରତୀୟ ବୈଦେଶିକ ମନ୍ତ୍ରୀ ଡ.ଏସ ଜୟଶଙ୍କର, ବୈଦେଶିକ ସଚିବ ବିକ୍ରମ ମିସ୍ତ୍ରିଙ୍କ ସହିତ ବୈଦେଶିକ ମନ୍ତ୍ରାଳୟର ଅନ୍ୟ ଅଧିକାରୀ ଉପସ୍ଥିତ ଥିଲେ ।