ଚଣ୍ଡିଗଡ– ଅମୃତସର ସ୍ଥିତ ଦରବାର ସାହିବ ପରିସରରେ ରବିବାର ସକାଳେ ଜଣେ ଯୁବକ ଗୁଳିକରି ଆତ୍ମହତ୍ୟା କରିଛନ୍ତି । ପୋଲିସ ଘଟଣାର ତଦନ୍ତ କରୁଛି । ସ୍ଥାନୀୟ ପୋଲିସର ସୁଚନାନୁସାରେ ଦରବାର ସାହିବରେ ରବିବାର ସକାଳେ ଜଣେ ଭିଆଇପି ଦର୍ଶନ ପାଇଁ ଆସିଥିଲେ। ତାଙ୍କର ସୁରକ୍ଷାକର୍ମୀମାନେ ଦରବାର ସାହିବ ବାହାରେ ଠିଆ ହୋଇଥିଲେ। ଏହି ସମୟରେ ଜଣେ ଯୁବକ ଆସିଲେ ଏବଂ ସେଠାରେ ଉପସ୍ଥିତ ପୋଲିସକର୍ମୀଙ୍କର ରିଭଲଭରକୁ ନେଇ ନିଜକୁ ଗୁଳି ଚଳାଇଥିଲେ।। ଦରବାର ସାହିବ ପରିସରରେ ରବିବାର ହେତୁ ବହୁ ସଂଖ୍ୟାରେ ଶ୍ରଦ୍ଧାଳୁ ଆସିଥିଲେ ଏବଂ ଏହାକୁ ନେଇ ଲୋକେ ଆତଙ୍କିତ ହୋଇପଡିଥିଲେ । ଘଟଣା ସଂପର୍କରେ ସୁଚନା ମିଳିବା ପରେ ଘଟଣାସ୍ଥଳରେ ପୋଲିସ ପହଁଞ୍ଚି ମୃତଦେହକୁ ଜବତ କରି ତଦନ୍ତ ଆରମ୍ଭ କରିଥିଲା।
