ଭୁବନେଶ୍ୱର – ଓଡିଶା ପୂଜ୍ୟ ପ୍ରଣାମ ଟ୍ରଷ୍ଟ ପକ୍ଷରୁ ଆଜି ପୂର୍ବାହ୍ନରେ ବିଶିଷ୍ଟ ପ୍ରଶାସକ ତଥା ଉକ୍ରଳ ସଂସ୍କୃତି ବିଶ୍ୱ ବିଦ୍ୟାଳୟର ପୂର୍ବତନ କୁଳପତି ରୋଟାରୀଆନ୍ ନରେନ୍ଦ୍ର କୁମାର ମିଶ୍ରଙ୍କ ୭୯ତମ ସ୍ୱନକ୍ଷତ୍ର ଉପଲକ୍ଷେ ଏକ ସାଧୁସନ୍ଥ ମିଳନ ମହୋତ୍ସବ ସ୍ଥାନୀୟ ବୁଦ୍ଧ ମନ୍ଦିର ଠାରେ ଅନୁÂାନର ଅଧ୍ୟକ୍ଷ ଡ. ଆର୍ଯ୍ୟ କୁମାର ଜ୍ଞାନେନ୍ଦ୍ରଙ୍କ ପୌରହିତ୍ୟରେ ଅନୁÂିତ ହୋଇଯାଇଛି ।
ଉଦ୍ଘାଟକ ଭାବେ ଯୋଗଦେଇ ନିଗମ କଳ୍ପତରୁ ଆଶ୍ରମର ପ୍ରତିÂାତା ଅଧ୍ୟକ୍ଷ ସ୍ୱାମୀ ବ୍ରହ୍ମାନନ୍ଦ ସରସ୍ୱତୀ ମହାରାଜ କହିଲେ ଯେ ସାଧୁସନ୍ଥମାନଙ୍କ ଆଶୀର୍ବାଦରେ ସମାଜର ମଙ୍ଗଳ ହେବା ସହ ବ୍ୟକ୍ତିର କଲ୍ୟାଣ ହୋଇଥାଏ । ମୁଖ୍ୟ ଅତିଥି ଭାବେ ଯୋଗଦେଇ ବିଶିଷ୍ଟ ବିଦ୍ୱାନ ପଣ୍ଡିତ ଡ. ନିରଞ୍ଜନ ବ୍ରହ୍ମା କହିଲେ ଯେ ଜନ୍ମ ସ୍ୱନକ୍ଷତ୍ରର ପୌରାଣିକ ବ୍ୟବସ୍ଥା ରହିଛି । ଏହାର ବିଧି ବିଧାନକୁ ଆଧୁନିକ ସମାଜ ଭୁଲିଯିବା ଦ୍ୱାରା ସମାଜର କ୍ଷତି ହେବା ସହ ବ୍ୟକ୍ତିର ମଧ୍ୟ କ୍ଷତି ହେଉଛି ।
ବିଶିଷ୍ଟ ଅତିଥି ଭାବେ ଯୋଗଦେଇ ସନ୍ଥ ବାବା ଅଭିରାମ ସରସ୍ୱତୀ, ବାବା ବାଳକାନନ୍ଦ ଦାସ, ସ୍ୱାମୀ ଜଗନ୍ନାଥାନନ୍ଦ ମହାରାଜ, ସ୍ୱାମୀ ଅଭେଦାନନ୍ଦ ସରସ୍ୱତୀ, ଭୁବନେଶ୍ୱର ବୁଦ୍ଧ ମନ୍ଦିରର ବୌଦ୍ଧଭିକ୍ଷୁ ପ୍ରମୁଖ ନରେନ୍ଦ୍ର ବାବୁଙ୍କୁ ଆଶୀର୍ବାଦ କରି କହିଲେ ଯେ ଜୀବନକାଳ ମଧ୍ୟରେ ଦ୍ୱାଦଶ ଜ୍ୟୋର୍ତିଲିଙ୍ଗ ଦର୍ଶନ ଓ କୈଳାସ ମାନସରୋବର ଦର୍ଶନ କେବଳ ଭାଗ୍ୟବାନ ମଣିଷଙ୍କୁ ହିଁ ମିଳିଥାଏ । ନରେନ୍ଦ୍ର ବାବୁ ଜଣେ ଭାଗ୍ୟବାନ ମଣିଷ ।
ଅନ୍ୟମାନଙ୍କ ମଧ୍ୟରେ ପୂର୍ବତନ କୁଳପତି ଡ. ବିମଳେନ୍ଦୁ ମହାନ୍ତି, ପୂର୍ବତନ ରାଷ୍ଟ୍ରଦୂତ ଅବସର ବେଉରିଆ, ପୂର୍ବତନ ଡିଜି ଅମୀୟ ଭୂଷଣ ତି୍ରପାଠୀ, ପୂର୍ବତନ ବରିÂ ପ୍ରଶାସକ ମଦନମୋହନ ପଣ୍ଡା, ମହାବୋଧି ସୋସାଇଟିର ଟ୍ରଷ୍ଟି ଡ. ସୌରେନ୍ଦ୍ର କୁମାର ମହାପାତ୍ର, ସମାଜସେବୀ ପାରେଶ୍ୱର ଖଣ୍ଡାୟତରାୟ, ଡ. ବେଦବତୀ ମହାନ୍ତି ପ୍ରମୁଖ କାର୍ଯକ୍ରମରେ ଯୋଗ ଦେଇଥିଲେ । ପ୍ରାରମ୍ଭରେ ପଣ୍ଡିତ ବିନୋଦ ବିହାରୀ ଦାସ ବେଦପାଠ କରିଥିବା ବେଳେ ବରିÂ ପ୍ରଶାସିକା ଶ୍ରୀମତୀ ନନ୍ଦିତା ମିଶ୍ର ସ୍ୱାଗତ ଭାଷଣ ଓ ରେଳବାଇ ବରିÂ ପ୍ରଶାସକ ଜ୍ୟୋତିପ୍ରକାଶ ମିଶ୍ର ଧନ୍ୟବାଦ ଅର୍ପଣ କରିଥିଲେ । ଶେଷରେ ପ୍ରଫେସର କନକମଞ୍ଜରୀ ମିଶ୍ର କୃତଜ୍ଞତା ଜ୍ଞାପନ କରିଥିଲେ ।
