ଶିମଲା– ଶିମଲା ଉପନଗର ସଂଜୌଲୀରେ ବିବାଦୀୟ ମସଜିଦକୁ ନେଇ ଚାଲିଥିବା ଉତ୍ତେଜନା ଥମିବାର ନା ନେଉନାହିଁ। ସଂଜୌଲୀରେ ବୁଧବାର ହୋଇଥିବା ଉଗ୍ର ପ୍ରଦର୍ଶନ ସମୟରେ ବିକ୍ଷୋଭକାରୀଙ୍କ ଉପରେ ପୋଲିସର ଲାଠି ଚାର୍ଜରେ କ୍ରୋଧିତ ବ୍ୟବସାୟୀ ଗୁରୁବାର ସହରର ରାସ୍ତାକୁ ଓହ୍ଲାଇଛନ୍ତି । ଲାଠିଚାର୍ଜ ଯୋଗୁଁ କ୍ରୋଧିତ ବ୍ୟବସାୟୀମାନେ ଗୁରୁବାର ନିଜର ଦୋକାନ ବନ୍ଦ ରଖିଛନ୍ତି । ବାସ୍ତବରେ ସଂଜୌଲୀରେ ମସଜିଦରେ ବେଆଇନ ନିର୍ମାଣ ବିରୋଧରେ ହିନ୍ଦୁ ସମ୍ପ୍ରଦାୟର ବହୁ ବ୍ୟବସାୟୀ ମଧ୍ୟ ଭାଗ ନେଇଥିଲେ। ପ୍ରଦର୍ଶନକାରୀ ବ୍ୟବସାୟୀଙ୍କ ଉପରେ ପୋଲିସ ଲାଠି ଚାର୍ଜ କରିଥିଲା। ଏହି ଲାଠିଚାର୍ଜରେ କେତେକ ବ୍ୟବସାୟୀ ଆହତ ହୋଇଛନ୍ତି। ଏହି କାରଣରୁ ସହରର ବ୍ୟବସାୟୀଙ୍କ ମଧ୍ୟରେ ପ୍ରବଳ ଆକ୍ରୋଶ ରହିଛି। ଶିମଲା ବ୍ୟାପାର ମଣ୍ଡଳ ଆହ୍ୱାନରେ ଗୁରୁବାର ସହରର ସମସ୍ତ ମୁଖ୍ୟ ବଜାରକୁ ଅଧା ଦିନ ପାଇଁ ବନ୍ଦ ରଖାଯାଇଛି। ଶିମଲାର ଚର୍ଚ୍ଚିତ ମଲ୍ ରୋଡ, ଲୋୟର ବଜାର, ରାମ ବଜାର, କୁସୁଂପଟୀ, ପଂଥାଘାଟୀ,ଏବଂ ଲକ୍କଡ ବଜାରର ଦୋକାନ ସକାଳୁ ବନ୍ଦ ରହିଛି।
