କୋଲକାତା– ପଶ୍ଚିମବଙ୍ଗର ସ୍ୱାସ୍ଥ୍ୟ ଭବନ ସମ୍ମୁଖରେ ଜୁନିୟର ଡାକ୍ତରଙ୍କ ଆନ୍ଦୋଳନ ରାତିସାରା ଜାରି ରହିଥିଲା । କୋଲକାତା ପୋଲିସ ମୁଖ୍ୟାଳୟ ଲାଲବାଜାର ସମ୍ମୁଖରେ ମଧ୍ୟ ସେହିଭଳି ଡାକ୍ତରମାନେ ରାତିସାରା ବସିଥିଲେ ଏବଂ ପରଦିନ ପୋଲିସ ସେମାନଙ୍କର ସର୍ତ୍ତ ଅନୁଯାୟୀ ଆଲୋଚନା ପାଇଁ ପୋଲିସ ପ୍ରସ୍ତୁତ ଥିଲା। ଆଜି ବୁଧବାରରେ ମଧ୍ୟ ଦିନସାରା ସ୍ୱାସ୍ଥ୍ୟ ଭବନ ସମ୍ମୁଖରେ ଏହି ବିରୋଧ ପ୍ରଦର୍ଶନ ଜାରି ରହିପାରେ। ବିଶେଷ କଥା ହେଉଛି ଯେ ଜୁନିୟର ଡାକ୍ତରଙ୍କ ଆନ୍ଦୋଳନକୁ ମଧ୍ୟ ସିନିୟର ମାନଙ୍କର ସମର୍ଥନ ମିଳୁଛି। ସିନିୟରମାନେ ରାତିସାରା ଡାକ୍ତରଙ୍କ ଖାଦ୍ୟପେୟ ପାଇଁ ହଜାରେ ପ୍ୟାକେଟ ଫୁଡ,କୋଲ୍ଡ ଡ୍ରିଙ୍କ୍ସ,ଏବଂ ଡ୍ରାଇ ଫ୍ରୁଟ୍ସ ପଠାଉଛନ୍ତି । ବୁଧବାର ସକାଳୁ ଜୁନିୟର ଡାକ୍ତରମାନେ ସ୍ୱାସ୍ଥ୍ୟ ଭବନ ସମ୍ମୁଖରେ ନାରାବାଜି କରିବା ଆରମ୍ଭ କରିଛନ୍ତି ଏବଂ କହିଛନ୍ତି ଯେ ସେମାନଙ୍କର ସମର୍ଥନରେ ଆଜି ସିନିୟର ଡାକ୍ତରମାନେ ମଧ୍ୟ ସାମିଲ ହେବେ।
