ମୋହନା- ଗଜପତି ଜିଲ୍ଲା ମୋହନା ଥାନା ଅନ୍ତର୍ଗତ ପାଦ୍ରୀମା ଗାଁ ନିକଟରେ ଏକ କାର୍ – ମିନି ଟ୍ରକ୍ ପଛରେ ଧକ୍କା ଦେବା ଫଳରେ କାର୍ ରେ ଥବା ଯାତ୍ରୀ ମାନଙ୍କ ମଧ୍ୟରୁ ୪ ଜଣ ଆହତ ହୋଇଛନ୍ତି । ତନ୍ମଧ୍ୟରୁ ଜଣକ ଅବସ୍ଥା ଗୁରୁତର ରହିଛି । ସ୍ଥାନୀୟ ଲୋକଙ୍କ ସହାୟତାରେ ଆହତ ମାନଙ୍କୁ ଉଦ୍ଧାର କରାଯାଇ ମୋହନା ଡ଼ାକ୍ତରଖାନାରେ ଭର୍ତି କରାଯାଇଛି । ଘନ କୁହୁଡ଼ି ଯୋଗୁଁ ରାସ୍ତା ଦିଶୁ ନଥିବା କାରଣରୁ ଏହି ଦୁର୍ଘଟଣା ଘଟିଥିବା ଅନୁମାନ କରାଯାଉଛି ।
ଆଜି ସକାଳ ପ୍ରାୟ ସାଢ଼େ ୬ଟା ସମୟରେ ୬ ଜଣ ଯାତ୍ରୀଙ୍କୁ ନେଇ କାର୍ ଟି ମୋହନାରୁ ବ୍ରହ୍ମପୁର ଅଭିମୁଖେ ଯାଉଥିଲା । ଏହି ସମୟରେ ପାଦ୍ରୀମା ଗ୍ରାମ ନିକଟ ରାସ୍ତା କଡ଼ରେ ଅଟକି ଥିବା ଏକ ମିନି ଟ୍ରକ୍ ପଛରେ କାରଟି ଧକ୍କା ଦେଇଥିଲା । ଖବର ପାଇ ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଚଳାଇଛି ।
