ଧର୍ମଶାଳା,16 ନଂ ଜାତୀୟ ରାଜପଥର ରଥିଆ ଛକ ନିକଟରେ ମର୍ମନ୍ତୁଦ ଦୁର୍ଘଟଣା ଘଟିଛି । ଟ୍ରକ ପଛପଟୁ ଧକ୍କା ଦେଇଛି ଆମ୍ବୁଲାନ୍ସ। ଦୁର୍ଘଟଣାରେ ଜଣେ ମୃତ ଦୁଇଜଣ ଗୁରୁତର ଆହତ ହୋଇଛନ୍ତି । ଆମ୍ବୁଲାନ୍ସର ଆଟେଡାଣ୍ଟ ହେମନ୍ତ ଆଚାର୍ଯ୍ୟ ମୃତ୍ୟୁବରଣ କରିଥିବା ସୂଚନା ମିଳିଛି । ଆମ୍ବୁଲାନ୍ସ ଚାଳକ ଗୋବର୍ଦ୍ଧନ ଜେନା ଓ ଫାର୍ମାସିଷ୍ଟ ଗିରିଜା କୁମାର ସେଠୀ ଗୁରୁତର ଆହତ ହୋଇଛନ୍ତି । ଆମ୍ବୁଲାନ୍ସଟି କଟକ ଶିଶୁଭବନରେ ରୋଗୀ ଛାଡି କେଉଁଝର ଫେରୁଥିଲା। ଆହତ ମାନଙ୍କୁ ପ୍ରାଥମିକ ଚିକିତ୍ସା ପରେ କଟକ ଏସସିବିକୁ ସ୍ଥାନାନ୍ତର କରାଯାଇଥିବା ସୂଚନା ମିଳିଛି।
