ମଣିପୁରରେ ୟୁସିଏମ ଅଫିସରେ ବୋମା ବିସ୍ଫୋରଣ

ଇମ୍ଫାଲ- ମଣିପୁରରେ ଇମ୍ଫାଲ ପଶ୍ଚିମ ଜିଲ୍ଲାର ଲେମ୍ଫଲ ଅଂଚଳରେ ସାମାଜିକ ସଙ୍ଗଠନ ୟୁନାଇଟେଡ କମିଟି ମଣିପୁର କାର୍ଯ୍ୟାଳୟ ପରିସରରେ କାଲି ସନ୍ଧ୍ୟାରେ ସଶସ୍ତ୍ର ଆକ୍ରମଣକାରୀମାନେ ବୋମା ବିସ୍ଫୋରଣ କରି ଆତଙ୍କ ଖେଳାଇଛନ୍ତି । ବିସ୍ଫୋରଣରେ କେହି ମୃତାହତ ହୋଇନାହାନ୍ତି । ପୋଲିସ ପକ୍ଷରୁ ସୂଚନା ମିଳିଛି ଯେ, ଆକ୍ରମଣକାରୀମାନେ ୟୁସିଏମ କାର୍ଯ୍ୟାଳୟ ପରିସରରେ ସନ୍ଧ୍ୟା 7.45 ମିନିଟ ସମୟରେ ବୋମା ବିସ୍ଫୋରଣ କରିଥିଲେ । ବିସ୍ଫୋରଣରେ କାର୍ଯ୍ୟାଳୟର ସଂପତି କ୍ଷତିଗ୍ରସ୍ତ ହୋଇଛି । ଆକ୍ରମଣକାରୀମାନା କାର୍ଯ୍ୟାଳୟ ଉପରେ ଗୁଳି ମଧ୍ୟ ଚଳାଇଥିଲେ । ସୁରକ୍ଷା ବଳ ସ୍ଥିତି ଅନୁଧ୍ୟାନ କରୁଛନ୍ତି ।