କୋଲକାତା– ତୃଣମୂଳ କଂଗ୍ରେସ ମହାସଚିବ ତଥା ଲୋକସଭା ସଦସ୍ୟ ଅଭିଷେକ ବାନାର୍ଜୀଙ୍କ ନାବାଳିକା ଝିଅକୁ ଦୁଷ୍କର୍ମ ଧମକ ଦେଇଥିବା ମାମଲାରେ ପଶ୍ଚିମବଙ୍ଗ ପୋଲିସ ଜଣଙ୍କୁ ଗିରଫ କରିଛି । ଉତର 24 ପ୍ରଗଣା ଜିଲ୍ଲାର ମିନାଖାଂ ବ୍ଲକର ମୋଥାବାଡି ବାସିନ୍ଦା ମସଦୁଲ ମୌଲାକୁ ଗିରଫ କରିଛି ପୋଲିସ । ପୋଲିସ ସୂଚନା ମୁତାବକ ମଙ୍ଗଳବାର ଭୋରରୁ ତାକୁ ଗିରଫ କରାଯାଇଛି । କୋଲକାତା ଆରଜି କର ହସ୍ପିଟାଲରେ ଜଣେ ମହିଳା ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ବିରୋଧରେ ଆୟୋଜିତ ରାଲିରେ ଧମକ ଦେଇଥିବାର ଦୃଶ୍ୟ ସାମ୍ନାକୁ ଆସିଥିଲା ।
