ଭୁବନେଶ୍ୱର– ଯୁବ ଲେଖକ ରାଜେଶ ତ୍ରିପାଠୀଙ୍କ ପ୍ରଥମ ଗଳ୍ପ ସଙ୍କଳନ ‘ରୁହ କହୁଛି’ର ଲୋକାର୍ପଣ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସୋସିଆଲ ମିଡିଆ ଏକ୍ସରେ କେନ୍ଦ୍ରମନ୍ତ୍ରୀ କହିଛନ୍ତି ଯେ, ଯୁବ ଲେଖକ ରାଜେଶ ତ୍ରିପାଠୀଙ୍କ ପ୍ରଥମ ଗଳ୍ପ ସଙ୍କଳନ ‘ରୁହ କହୁଛି’ କୁ ଲୋକାର୍ପିତ କରି ମୁଁ ଅତ୍ୟନ୍ତ ଆନନ୍ଦିତ । ସଂକଳନରେ ଉଲ୍ଲେଖିତ ପ୍ରଥମା, ସଦାଶିବ ସାର୍, ଝିଅର ପାଦ ଚିହ୍ନ ଓ ରକ୍ତ ଭୋଜି ଭଳି ଗଳ୍ପ ଗୁଡ଼ିକ ହାର୍ଦ୍ଦିକତା, ମାନବିକତା, ସମ୍ପର୍କ ଓ ସମ୍ବେଦନଶୀଳତାର ପ୍ରସଙ୍ଗ ସହ ବେଶ୍ ସମାଜ ମନସ୍କ ହୋଇପାରିଛି । ଗଳ୍ପ ସଂକଳନଟି ସବୁ ବର୍ଗର ପାଠକଙ୍କ ଦ୍ୱାରା ଆଦୃତ ହେଉ, ଏହା ମହାପ୍ରଭୁଙ୍କ ପାଖରେ କାମନା କରୁଛି ।
