ସଂଘର ବରିଷ୍ଠ ପ୍ରଚାରକ ବାଲକୃଷ୍ଣ ତ୍ରିପାଠୀଙ୍କ ବିୟୋଗ

ଲକ୍ଷ୍ନୌ– ରାଷ୍ଟ୍ରୀୟ ସ୍ୱୟଂସେବକ ସଂଘର ବରିଷ୍ଠ ପ୍ରଚାରକ ତଥା ପୂର୍ବତନ ଅଖିଳ ଭାରତୀୟ ସହ ବ୍ୟବସ୍ଥାର ପ୍ରମୁଖ ବାଳକୃଷ୍ଣ ତ୍ରିପାଠୀଙ୍କର ଲକ୍ଷ୍ନୌ ସ୍ଥିତ ଡାକ୍ତର ରାମ ମନୋହର ଲୋହିୟା ଆୟୁର୍ବିଜ୍ଞାନ ସଂସ୍ଥାନରେ ବିୟୋଗ ହୋଇଛି । ମୃତ୍ୟୁ ବେଳକୁ ତାଙ୍କୁ 89 ବର୍ଷ ହୋଇଥିଲା । ସେ ଜିଲ୍ଲା ପ୍ରଚାରକ, ବିଭାଗ ପ୍ରଚାରକ, ପ୍ରାନ୍ତ ଶାରିରୀକ ଶିକ୍ଷଣ ପ୍ରମୁଖ, କାଶୀ ପ୍ରାନ୍ତର ପ୍ରାନ୍ତ ପ୍ରଚାରକ, ଅବଧ ପ୍ରାନ୍ତର ପ୍ରାନ୍ତ ପ୍ରଚାରକ ତଥା କ୍ଷେତ୍ରର ସଂପର୍କ ପ୍ରମୁଖ ଥିଲେ । ଏହାପରେ ଅଖିଳ ଭାରତୀୟ ସହ ବ୍ୟବସ୍ଥା ପ୍ରମୁଖର ଦାୟିତ୍ୱ ଘୋଷଣା ହେବା ପରେ ତାଙ୍କ କେନ୍ଦ୍ର ନାଗପୁରରେ ହୋଇଥିଲା । ଦୀର୍ଘଦିନ ଧରି ସେ ନାଗପୁରରେ ରହିଥିଲେ । ନିକଟରେ ତାଙ୍କ କେନ୍ଦ୍ର ଭାରତୀ ଭବନ ଲକ୍ଷ୍ନୌ ଥିଲା । ଅନ୍ତିମ ଦର୍ଶନ ପାଇଁ ତାଙ୍କ ପାର୍ଥିବ ଶରୀରକୁ ଭାରତୀ ଭବନ ରାଜେନ୍ଦ୍ର ନଗର ଲକ୍ଷ୍ନୌରେ ରଖାଯାଇଛି । ଆଜି ଅପରାହ୍ନ 3ଟା ବେଳେ ଭୈରବ ଘାଟ ଗଙ୍ଗା କୂଳ କାନପୁରରେ ତାଙ୍କ ଅନ୍ତିମ ସଂସ୍କାର ହେବ ।