ବଲାଙ୍ଗିର, ଆଜି ସରସ୍ବତୀ ଶିଶୁ ବିଦ୍ୟା ମନ୍ଦିର କଦମପଡା ଶିଶୁବାଟିକା ବିଭାଗରେ ରକ୍ଷାବନ୍ଧନ ପାଳିତ ହୋଇଯାଇଛି । ମୁଖ୍ୟ ଅତିଥି ଭାବେ ବଶ୍ୱ ହିନ୍ଦୁପରିଷଦ ବଜରଙ୍ଗ ଦଳର ପ୍ରାନ୍ତ ସଂଯୋଜକ ଶ୍ରୀ ସୌମ୍ୟରଂଜନ ମିଶ୍ର ଯୋଗଦାନ କରି ଉକ୍ତ ଦିନର ମହତ୍ତ୍ୱ ବିଷୟରେ ଆଲୋକପାତ କରିଥିଲେ । ଶିଶୁବାଟିକାର ଭାଇ ଭଉଣୀଙ୍କ ଦ୍ୱାରା ସଂସ୍କୃତିକ କାର୍ଯ୍ୟକ୍ରମ ପ୍ରଦର୍ଶିତ ହୋଇଥିଲା । ପରିଚାଳନା ସମିତିର ସଭାପତି ଶ୍ରୀଯୁକ୍ତ ଭବାନୀ ଶଙ୍କର ପଟେଲ ଯୋଗଦାନ କରି ଧନ୍ୟବାଦ୍ ଦେଇଥିଲେ । ଶିଶୁବାଟିକା ପ୍ରମୁଖ ବିଦ୍ୟୁତ ରେଖା କର ଅତିଥିମାନଙ୍କର ପରିଚୟ ପ୍ରଦାନ କରିଥିଲେ । ଗୁରୁମା ପୁଷ୍ପଲତା ଶତପଥି ସଂଯୋଜନା କରିଥିଲେ ।ରାଷ୍ଟ୍ରବନ୍ଦନା ଓ ମିଷ୍ଟାନ୍ନ ସେବନ ପରେ କାର୍ଯ୍ୟକ୍ରମ ସମାପ୍ତ ହୋଇ ଥିଲା ।ସମସ୍ତ ଗୁରୁଜୀ,ଗୁରୁମାଙ୍କ ତଥା ସେବକ ସେବିକାଙ୍କ ସହଯୋଗରେ କାର୍ଯ୍ୟକ୍ରମ ସଫଳତାର ସହିତ ସମ୍ପନ୍ନ ହୋଇଥିଲା ।
