ଅଗଷ୍ଟ– ଆମେରିକାର ପୂର୍ବତନ ରାଷ୍ଟ୍ରପତି ତଥା ରିପବ୍ଲିକାନ ରାଷ୍ଟ୍ରପତି ପ୍ରାର୍ଥୀ ଡୋନାଲ୍ଡ ଟ୍ରମ୍ପ ଆମେରିକାର ଉପରାଷ୍ଟ୍ରପତି କମଲା ହ୍ୟାରିସ ତଥା ରାଷ୍ଟ୍ରପତି ପଦ ପାଇଁ ଡେମୋକ୍ରେଟ ପ୍ରାର୍ଥୀଙ୍କୁ କଠୋର ବାମପନ୍ଥୀ କହିବା ସହ କହିଛନ୍ତି ଯେ, ଯଦି ରାଷ୍ଟ୍ରପତି ହୁଅନ୍ତି କେବେ ସେ ଆମେରିକାକୁ ବୁଡାଇଦେବେ । ଟ୍ରମ୍ପ ଟେସ୍ଲା ପ୍ରମୁଖ ଏଲନ ମସ୍କଙ୍କ ସହିତ ଦୁଇଘଂଟା ଦୀର୍ଘ ବାର୍ତ୍ତାଳାପରେ ଆମେରିକା ରାଷ୍ଟ୍ରପତି ନିର୍ବାଚନ ଓ ଏହାର ଚ୍ୟାଲେଂଜ ଉପରେ ରାୟ ରଖି କମଲା ହ୍ୟାରିସଙ୍କ ଉପରେ ବର୍ଷିଥିଲେ । ଟ୍ରମ୍ପ କହିଥିଲେ ଯେ, ତାଙ୍କ ନୀତି କାରଣରୁ ଆମେରିକାକୁ ଆହୁରି ଅବୈଧ ଲୋକଙ୍କ ଆସିବା ପକ୍କା ହୋଇଯିବ । ସେ ରାଷ୍ଟ୍ରପତି ବାଇଡେନଙ୍କ ଉପରେ ଟିପ୍ପଣୀ ଦେଇ କହିଛନ୍ତି ଯେ, ଏବେ ଆମ ପାଖରେ କୌଣସି ରାଷ୍ଟ୍ରପତି ନାହାନ୍ତି ଏବଂ କମଲା ହ୍ୟାରିସ ତା ଠାରୁ ଖରାପ ବୋଲି ସେ କହିଛନ୍ତି ।
