ନୂଆଦିଲ୍ଲୀ– ସ୍ୱାଧୀନତା ଦିବସ ସମାରୋହ ଉପଲକ୍ଷେ ସାରା ଦେଶରେ ଅଗଷ୍ଟ 9ରୁ ଆରମ୍ଭ ହୋଇଥିବା ହର୍ ଘର ତ୍ରିରଙ୍ଗା ଅଭିଯାନର ସ୍ୱତନ୍ତ୍ର ଆୟୋଜନର ସମୟ ଆସିଛି । ଆଜି ରାଜଧାନୀ ଦିଲ୍ଲୀରେ ସଂସଦ ସଦସ୍ୟଙ୍କ ତ୍ରିରଙ୍ଗା ବାଇକ ରାଲି ଆରମ୍ଭ ହେବ । ହର୍ ଘର ତ୍ରିରଙ୍ଗା ଅଭିଯାନ ଆରମ୍ଭ ପୂର୍ବରୁ କେନ୍ଦ୍ର ସଂସ୍କୃତି ଓ ପର୍ଯ୍ୟଟନ ମନ୍ତ୍ରୀ ଗଜେନ୍ଦ୍ର ସିଂହ ଶେଖାୱତ ପ୍ରେସମିଟରେ କହିଥିଲେ ଯେ, ଏହି ଅଭିଯାନର ସମାପନ ଅଗଷ୍ଟ 15ରେ ହେବ । ଜାତୀୟ ରାଜଧାନୀ ଦିଲ୍ଲୀରେ ଅଗଷ୍ଟ 13ରେ ଏହି ଅଭିଯାନର ଗୁରୁତ୍ୱପୂର୍ଣ୍ଣ ଶୃଙ୍ଖଳା ଅନ୍ତର୍ଗତ ସାଂସଦଙ୍କ ତ୍ରିରଙ୍ଗା ବାଇକ ରାଲି ବାହାରିବ ।
