ଭଦ୍ରକ – ଓଡିଶା ମାଧ୍ୟମିକ ସ୍କୁଲ ଶିକ୍ଷକ ସଂଘର ସାମ୍ବିଧାନିକ ନିର୍ବାଚନରେ ଭଦ୍ରକର ବିଶିଷ୍ଟ ଶିକ୍ଷକ ନେତ୍ରୀ ସୁରଜିତା ନାୟକ ରାଜ୍ୟ ସମ୍ପାଦିକା ଭାବେ ନିର୍ବାଚିତା ହୋଇଛନ୍ତି । ଭଦ୍ରକ ଜିଲ୍ଲା ଶିକ୍ଷକମାନଙ୍କ ଆନେ୍ଦାଳନର କର୍ଣ୍ଣଧାର, ଶିକ୍ଷକ, ଶିକ୍ଷୟିତ୍ରୀ, ଶିକ୍ଷାକର୍ମୀମାନଙ୍କର ସୁଖ ଦୁଃଖର ସାରଥି ଭାବେ କାର୍ଯ୍ୟ କରିବା ସଂଗେ ସଂଗେ ଶିକ୍ଷା ବ୍ୟବସ୍ଥାର ଘରୋଇ କରଣ ବିରୁଦ୍ଧରେ ରାଜ୍ୟ ଓ କେନ୍ଦ୍ର ସରକାରଙ୍କ ନୀତିକୁ ପ୍ରତିବାଦ କରି ରାଜ୍ୟ ସ୍ତରରେ ନିଜର ଦକ୍ଷତାକୁ ଜାହିର କରିଥିବାରୁ ଗତ ୧୨ ତାରିଖର କଟକ ସହରର ଐତିହାସିକ ବାରବାଟୀ ଷ୍ଟାଡିୟମରେ ଓଷ୍ଟାର ରାଜ୍ୟ ସମ୍ପାଦିକା ଭାବେ ଶ୍ରୀମତି ନାୟକ ପୁନର୍ବାର ନିର୍ବାଚିତ ହୋଇଛନ୍ତି । ଏଥି ସହିତ ଭଦ୍ରକ ଜିଲ୍ଲାରୁ ପୂବର୍ଣ୍ଣ ଚନ୍ଦ୍ର ଦାସ ସହସମ୍ପାଦକ ଭାବେ ନିର୍ବାଚିତ ହୋଇଛନ୍ତି । ଉଭୟ ନବନିର୍ବାଚିତ ସମ୍ପାଦିକା ଓ ସହସମ୍ପାଦକଙ୍କ ଭଦ୍ରକ ଜିଲ୍ଲା ଓଷ୍ଟାର ଜିଲ୍ଲା ସମ୍ପାଦକ ପ୍ରଦୀପ୍ତ ଦାସ, ଉପେନ୍ଦ୍ର ପାଢୀ, ଅଜୟ ନନ୍ଦ, ବୈକୁଣ୍ଠ ବିଶ୍ୱାଳ, ଦେବବ୍ରତ ତ୍ରିପାଠୀ ଏବଂ ଅନ୍ୟ କର୍ମକର୍ତ୍ତାମାନେ ତାଙ୍କୁ ସ୍ୱାଗତ କରିବା ସହିତ ଶୁଭେଚ୍ଛା ଜ୍ଞାପନ କରିଛନ୍ତି ।
