କାଠମାଣ୍ଡୁ, ଭାରତୀୟ ବୈଦେଶିକ ସଚିବ ବିକ୍ରମ ମିସ୍ତ୍ରୀ ଦୁଇ ଦିବସୀୟ ନେପାଳ ଗସ୍ତରେ ରବିବାର କାଠମାଣ୍ଡୁରେ ପହଂଚିଛନ୍ତି । ଭାରତୀୟ ବାୟୁସେନାର ସ୍ୱତନ୍ତ୍ର ବିମାନ ଯୋଗେ ତ୍ରିଭୁବନ ଅନ୍ତର୍ଜାତୀୟ ଏୟାରପୋର୍ଟରେ ଓହ୍ଲାଇଥିବା ଭାରତୀୟ ବୈଦେଶିକ ସଚିବ ମିସ୍ତ୍ରୀଙ୍କୁ ନେପାଳର ବୈଦେଶିକ ସଚିବ ସେବା ଲମ୍ସାଲ ଓ ନେପାଳରେ ଭାରତର ରାଷ୍ଟ୍ରଦୂତ ନବୀନ ଶ୍ରୀବାସ୍ତବ ସ୍ୱାଗତ କରିଥିଲେ । ବୈଦେଶିକ ସଚିବ ମିସ୍ତ୍ରୀ ନେପାଳର ବୈଦେଶିକ ସଚିବ ସେବା ଲମ୍ସାଲଙ୍କ ସହ ଔପଚାରିକ ଦ୍ୱିପାକ୍ଷିକ ଆଲୋଚନା କରିବେ । ଏହାସହିତ ପ୍ରଧାନମନ୍ତ୍ରୀ, ବୈଦେଶିକ ମନ୍ତ୍ରୀ, କଂଗ୍ରେସ ଅଧ୍ୟକ୍ଷ ଓ ମାଓବାଦୀ ଅଧ୍ୟକ୍ଷଙ୍କୁ ଭେଟିବାର ମଧ୍ୟ କାର୍ଯ୍ୟକ୍ରମ ରହିଛି । ସେ ସୋମବାର ସ୍ୱଦେଶ ଫେରିବେ ।
