ଅନନ୍ତନାଗ-ଅନନ୍ତନାଗ ଜିଲ୍ଲାର କୋକରନାଗର ଅହଲାନ ଜଙ୍ଗଲରେ ଆତଙ୍କବାଦୀ ଗୁଳିରେ ଗୁରୁତର ଆହତ ହୋଇଥିବା ଜଣେ ନାଗରିକଙ୍କର ରବିବାର ସକାଳେ ମୃତ୍ୟୁ ହୋଇଛି । ଅଂଚଳରେ ହୋଇଥିବା ଗୁଳି ବିନିମୟରେ ଏବେ ସୁଦ୍ଧା ଦୁଇଜଣ ଯବାନ ସହିଦ ହୋଇଥିବା ବେଳେ ଜଣେ ନାଗରିକଙ୍କର ମୃତ୍ୟୁ ହୋଇଛି । ଫଳରେ ଅହଲାନ କୋକରନାଗ ଅପରେସନରେ ମୃତକଙ୍କ ସଂଖ୍ୟା ତିନି ହୋଇଛି । ସେହିପରି ଜଣେ ଯବାନ ଆହତ ହୋଇଛନ୍ତି । ତାଙ୍କର ଚିକିତ୍ସା ଜାରି ରହିଛି । ଅଂଚଳରେ ଏବେ ଜୋରଦାର ତଲାସୀ ଅଭିଯାନ ଜାରି ରହିଛି ।
