ସୋମବାର ଚାରୋଟି ସ୍ୱରୂପରେ ଦର୍ଶନ ଦେବେ ବାବା ମହାକାଳ

ଉଜ୍ଜୟିନୀ– ଚଳିତ ଶ୍ରାବଣ –ଭାଦ୍ରବ ମାସର ଚତୁର୍ଥ ସୋମବାରରେ ବାବା ମହାକାଳ ନଗର ଭ୍ରମଣରେ ବାହାରିବେ ଏବଂ ଚାରୋଟି ସ୍ୱରୂପରେ ଦର୍ଶନ ଦେବେ । ପାଲିଙ୍କିରେ ଚନ୍ଦ୍ରମୌଲେଶ୍ୱର, ଗଜରାଜରେ ମନ ମହେଶ, ଗରୁଡ ରଥରେ ଶିବ ତାଣ୍ଡବ ତଥା ନନ୍ଦୀ ରଥରେ ଉମା ମହେଶ ବିରାଜିବେ । ପାଲିଙ୍କି ଅପରାହ୍ନ 4ଟା ବେଳେ ପୂଜନ ପରେ ନଗର ଭ୍ରମଣରେ ବାହାରିବ । ଜିଲ୍ଲାପାଳଙ୍କ ସହ ମହାକାଳ ମନ୍ଦିରର ପ୍ରବନ୍ଧ କମିଟି ଅଧ୍ୟକ୍ଷ କହିଛନ୍ତି ଯେ, ଅପରାହ୍ନ କୋଟିତୀର୍ଥ ପରିସର ସ୍ଥିତ ସଭା ମଣ୍ଡପରେ ବାବା ମହାକାଳଙ୍କ ପୂଜନ, ଅଭିଷେକ କରାଯିବ । ଏହାପରେ ପାଲିଙ୍କିରେ ଭଗବାନ ଚନ୍ଦ୍ରମୌଲେଶ୍ୱର ସ୍ୱରୂପ ବିରାଜମାନେ କରି ମୁଖ୍ୟ ଦ୍ୱାରକୁ ଅଣାଯିବ ।ପରମ୍ପରା ଅନୁସାରେ ସଶସ୍ତ୍ର ପୋଲିସ ବଳ ପକ୍ଷରୁ ଭଗବାନଙ୍କୁ ଗାର୍ଡ ଅଫ୍ ଅନର ପ୍ରଦାନ କରାଯିବ ।