ପୂର୍ବତନ ବୈଦେଶିକ ମନ୍ତ୍ରୀ ନଟବର ସିଂଙ୍କ ବିୟୋଗ

ଜୟପୁର– ପୂର୍ବତନ ବୈଦେଶିକ ମନ୍ତ୍ରୀ ନଟବର ସିଂହଙ୍କର ଶନିବାର ବିଳମ୍ବିତ ରାତିରେ ବିୟୋଗ ହୋଇଯାଇଛି । ମୃତ୍ୟୁ ବେଳକୁ ତାଙ୍କୁ 93 ବର୍ଷ ବୟସ ହୋଇଥିଲା । ସେ ପ୍ରାୟ ଦୁଇ ସପ୍ତାହରୁ ନୂଆଦିଲ୍ଲୀ ବାହାରେ ଗୁରୁଗ୍ରାମର ଏକ ଘରୋଇ ହସ୍ପିଟାଲରେ ଭର୍ତ୍ତି ହୋଇଥିଲେ । ନଟବର ସିଂହ ଭରତପୁର ନିକଟ ସବୁଠୁ ବଡ ଗାଁ ଜଘିନାର ବାସିନ୍ଦା ଥିଲେ । ଆଜି ଦିଲ୍ଲୀରେ ତାଙ୍କ ଅନ୍ତିମ ସଂସ୍କାର କରାଯିବ । ନଟବର ସିଂହ କଂଗ୍ରେସ ଟିକେଟରୁ ରାଜସ୍ଥାନର ଭରତପୁରରୁ ନିର୍ବାଚନ ଲଢିଥିଲେ ଏବଂ ଲୋକସଭା ସାଂସଦ ହୋଇଥିଲେ । 1985ରେ ସେ ରାଷ୍ଟ୍ରମନ୍ତ୍ରୀ ଭାବେ ଶପଥ ନେଇଥିଲେ ଏବଂ ତାଙ୍କୁ ଇସ୍ପାତ, କୋଇଲା ଓ କୃଷି ମନ୍ତ୍ରାଳୟ ପ୍ରଦାନ କରାଯାଇଥିଲା । 1931 ମସିହାରେ ମେ 16ରେ ତାଙ୍କ ଜନ୍ମ ରାଜସ୍ଥାନର ଭରତପୁରରେ ହୋଇଥିଲା ।