ଭୁବନେଶ୍ୱର, ଭୁବନେଶ୍ବର ଡବଲ ମର୍ଡର ଘଟଣାରେ ୨ ଅଭିଯୁକ୍ତ ଗିରଫ ହୋଇଥିବା ନେଇ ଏକ ସାମ୍ବାଦିକ ସମ୍ମିଳନୀରେ ଭୁବନେଶ୍ବର ଡିସିପି ପ୍ରତୀକ ସିଂ ସୂଚନା ଦେଇଛନ୍ତି ।
ଶ୍ରୀ ସିଂହ କହିଛନ୍ତି ଯେ, କଲ୍ୟାଣୀ ପ୍ଲାଜା ଆପାର୍ଟମେଣ୍ଟରେ ଗାଡ଼ି ପାର୍କିଂରୁ ହତ୍ୟାକାଣ୍ଡ ମାମଲାରେ ପ୍ରଦୀପକୁ ପୁରୀ ଓ ଗଣେଶକୁ ଚଣ୍ଡିଖୋଲରୁ ଗିରଫ କରାଯାଇଛି । ଅଭିଯୁକ୍ତ ଗଣେଶ ୨ ଦିନ ତଳେ ଗାଡ଼ି ରଖିବାକୁ ମନା କରିଥିଲା । ପାର୍କିଂ ଆଲଟ ନଥିବାରୁ ମୃତକ ରଶ୍ମୀ ଗାଡ଼ି ରଖିଥିଲେ ଓ ସେଠାରୁ ହିଁ ବିବାଦ ଆରମ୍ଭ ହୋଇଥିଲା । ଉତ୍ତ୍ୟକ୍ତ ହୋଇ ପ୍ରଦୀପ ଛୁରିରେ ରଶ୍ମୀକୁ ଆକ୍ରମଣ କରିଥିଲେ । ଅଟକାଇବାରୁ ରଶ୍ମୀର ସାଙ୍ଗ ସମ୍ବିତଙ୍କୁ ମଧ୍ୟ ଆକ୍ରମଣ କରିଥିଲେ । ରଶ୍ମୀ ଓ ସମ୍ବିତଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିଲା ବୋଲି ସେ ପ୍ରକାଶ କରିଛନ୍ତି ।
