ନାଡି, ଭାରତର ରାଷ୍ଟ୍ରପତି ଦ୍ରୌପଦୀ ମୁର୍ମୁ ଫିଜିର ନାଡିରେ ଶ୍ରୀ ଶିବ ସୁବ୍ରମଣ୍ୟ ସ୍ୱାମୀ ମନ୍ଦିରରେ ପୂଜାର୍ଚ୍ଚନା କରିଛନ୍ତି । ରାଷ୍ଟ୍ରପତି ଏବେ ଫିଜି ଗସ୍ତରେ ଅଛନ୍ତି । ଫିଜିର ରାଜଧାନୀ ସୁବାରେ ଔପଚାରିକ କାର୍ଯ୍ୟକ୍ରମର ସଫଳ ସମାପନ ପରେ ରାଷ୍ଟ୍ରପତି ନାଡିରେ ପହଂଚିଛନ୍ତି । ଏହାପୂର୍ବରୁ ମଙ୍ଗଳବାର ରାଷ୍ଟ୍ରପତି ମୁର୍ମୁ ସହିଦ ସୈନିକଙ୍କ ସ୍ମୃତିରେ ସୁବାରେ ସ୍ଥାପିତ ଜାତୀୟ ଯୁଦ୍ଧ ସ୍ମାରକ ଓ ମହାତ୍ମା ଗାନ୍ଧି ମେମୋରିଆଲ ହାଇସ୍କୁଲ ଗସ୍ତ କରିଥିଲେ । ହାଇସ୍କୁଲରେ ମହାତ୍ମା ଗାନ୍ଧିଙ୍କ ପ୍ରତିମାରେ ରାଷ୍ଟ୍ରପତି ପୁଷ୍ପାଂଜଳି ଅର୍ପଣ କରିଥିଲେ । ଆଜି ରାଷ୍ଟ୍ରପତି ନାଡିରୁ ଅକଲ୍ୟାଣ୍ଡ-ନ୍ୟୁଜିଲାଣ୍ଡ ଗସ୍ତ କରିବେ ।
