ଭଦ୍ରକ – ଆଜି ଏହି ଜିଲାର ବନ୍ତ ବ୍ଲକ୍ ଅଧୀନସ୍ଥ ହାଟସାହି ଗ୍ରାମରେ ଅଗ୍ନିକାଣ୍ଡ ଘଟି ଜଣେ ବିଧବା ଅସହାୟ ମହିଳାଙ୍କ ସମେତ ଅନ୍ୟ ଜଣେ ବ୍ୟକ୍ତିଙ୍କର ଚାରିବଖରା ଘର ଭସ୍ମୀଭୂତ ହୋଇଛି । ପ୍ରାପ୍ତ ଖବରରୁ ଯାହା ଜଣାଯାଏ ଏହି ଗ୍ରାମର ସେକ୍ ଅନୱାର ଓ ମୁଥିରିନି ବିବି ନାମକ ଜଣେ ଅସହାୟ ବିଧବା ମହିଳାଙ୍କର ଚାରିବଖରା ଘର ଦିନ ପ୍ରାୟ ୧୨ଟା ସମୟରେ ପୋଡି ଭସ୍ମୀଭୂତ ହୋଇଯାଇଛି । ଏହି ଅଗ୍ନିକାଣ୍ଡରେ ମୁଥିରିନିଙ୍କ ଆଧାର କାର୍ଡ ଓ ଭତ୍ତା ସଂପର୍କିତ ସମସ୍ତ କାଗଜପତ୍ର ନଷ୍ଟ ହୋଇଯାଇଛି । ଘରେ ମହଜୁଦ ଥିବା ଧାନ, ଚାଉଳ ଓ ଆସବାବ ପତ୍ର ଜଳିଯାଇଛି । ଏହି ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଥିବାବେଳେ ଖବର ପାଇ ଆଗରପଡା ଦମକଳ ବାହିନୀ ଘଟଣାସ୍ଥଳରେ ପହଞ୍ଚô ନିଆଁକୁ ଆୟତ୍ତ କରିଥିଲେ ମଧ୍ୟ କୌଣସି ଜିନିଷପତ୍ର ଉଦ୍ଧାର ହୋଇପାରିନାହିଁ ।
