ଜମ୍ମୁ, ଜମ୍ମୁର ଭଗବତୀ ନଗର ଆଧାର ଶିବିରରୁ 1654 ତୀର୍ଥଯାତ୍ରୀଙ୍କର ଆଉ ଏକ ବ୍ୟାଚ ଅମରନାଥ ଗୁମ୍ଫା ତୀର୍ଥଯାତ୍ରା ପାଇଁ ବାହାରିଛନ୍ତି । ଅମରନାଥ ଗୁମ୍ଫା ମନ୍ଦିରରେ ଭଗବାନ ଶିବଙ୍କ ଦର୍ଶନ କରିଥିବା ତୀର୍ଥଯାତ୍ରୀଙ୍କ ସଂଖ୍ୟା 4.66 ଲକ୍ଷ ପାର୍ କରିଛି । ଗତବର୍ଷ 4.59 ଲକ୍ଷ ତୀର୍ଥଯାତ୍ରୀ ବର୍ଫାନୀ ବାବାଙ୍କ ଦର୍ଶନ କରିଥିଲେ । ତୀର୍ଥଯାତ୍ରୀଙ୍କ 34ତମ ବ୍ୟାଚ ସିଆରପିଏଫର ସୁରକ୍ଷାରେ 51ଟି ଗାଡିର କାଫିଲାରେ ବୁଧବାର ସକାଳ 3.20 ମିନିଟ ସମୟରେ ଜମ୍ମୁର ବେସକ୍ୟାମ୍ପରୁ ବାହାରିଛନ୍ତି । 1654 ତୀର୍ଥଯାତ୍ରୀଙ୍କ ବ୍ୟାଚରୁ 456 ତୀର୍ଥଯାତ୍ରୀ ବାଲଟାଲ ବେସକ୍ୟାମ୍ପ ଓ 1198 ତୀର୍ଥଯାତ୍ରୀ ପହଲଗାମ ବେସକ୍ୟାମ୍ପ ଅଭିମୁଖେ ଯାଇଛନ୍ତି । ଯେଉଁଠାରୁ ସେମାନେ ପବିତ୍ର ଗୁମ୍ଫା ଅଭିମୁଖେ ଯାତ୍ରା କରିବେ ।
