ୱାୟନାଡା– କେରଳର ବାୟନାଡା ଜିଲ୍ଲାରେ ବର୍ଷା ଯୋଗୁ ବ୍ୟାପକ କ୍ଷତି ହୋଇଛି । ଆଜି ଭୋରରେ ହୋଇଥିବା ଭୂସ୍ଖଳନରେ ଶହେରୁ ଅଧିକ ଲୋକ ଫସିରହିଥିବା ଆଶଙ୍କା ରହିଛି । ଭୂସ୍ଖଳନରେ ଫସିଥିବା ଲୋକଙ୍କ ମଧ୍ୟରୁ 5ଜଣଙ୍କ ମୃତ୍ୟୁ ହୋଇଛି । ଏମାନଙ୍କ ମଧ୍ୟରେ 2ଜଣ ଶିଶୁ ବି ଅଛନ୍ତି । ଘଟଣାସ୍ଥଳରେ ଏନଡିଆରଏଫ ଟିମ୍ ପହଂଚି ରେସକ୍ୟୁ ଅପରେସନ ଆରମ୍ଭ କରିଛି । ବାୟୁସେନାର ଦୁଇଟି ହେଲିକପ୍ଟର ଏମଆଇ-17 ଓ ଏଏଲଏଚ ସକାଳ ସାଢେ 7ଟାରେ ସୁଲୁର ପଠାଯାଇଛି । ଅଗ୍ନିଶମ ବାହିନୀ ଓ ଜାତୀୟ ବିପର୍ଯ୍ୟୟ ଆକ୍ସନ ଟିମକୁ ପ୍ରଭାବିତ ଅଂଚଳରେ ମୁତୟନ କରାଯାଇଛି ।
