ଭଦ୍ରକ– ଏହି ଜିଲାର ଧାମରାଇ ମନ୍ଦିର ନିକଟସ୍ଥ ସଭା ଗୃହରେ ରାଷ୍ଟ୍ରୀୟ ସ୍ୱୟଂ ସେବକ ସଂଘ ପକ୍ଷରୁ ଗୁରୁ ଦିବସ ମହାସମାରୋହରେ ପାଳିତ ହୋଇ ଯାଇଛି । ଏହି ଅବସରରେ ରାଷ୍ଟ୍ରୀୟ ସ୍ୱୟଂ ସେବକ ସଂଘ ଚାନ୍ଦବାଲି ଖଣ୍ଡ ‘କ୍ଷରୁ ଶାରିରୀକ ପ୍ରଚାରକ ପ୍ରଭାତ କୁମାର ପଣ୍ଡା ହୋଇଥିବା ସଭାରେ ସଭାପତିତ୍ୱ କରିବା ସହ ଗୁରୁ ଦିବସ ତାତ୍ପର୍ଯ୍ୟରେ ଆଲୋକପାତ କରିଥିଲେ । ମୁଖ୍ୟ ଅତିଥି ଭାବେ ସମାଜସେବୀ ପ୍ରଭାସ ରଂଜନ ସ୍ୱାଇଁ ଯୋଗ ଦେଇ ସମାଜ ପରିବର୍ତନ କରିବାରେ ମାତାପିତା ପ୍ରଥମ ଗୁରୁ ହୋଇଥିବା ବେଳେ ଶିକ୍ଷାଗୁରୁ, ଦୀକ୍ଷା ଗୁରୁ, ରାଜନୈତିକ ଗୁରୁ ମାନଙ୍କର ଭୂମିକା ବିଷୟରେ ଆଲୋକପାତ କରିଥିଲେ । ଏହି ସଭାରେ ସମାଜସେବୀ ବିପିନ ବେହେରା ନିଜର ମତ ରଖିଥିବା ବେଳେ ଭାରତୀୟ ମଜଦୁର ସଂଘର ଚନ୍ଦ୍ର ଶେଖର ଜେନା ,ପ୍ରଦ୍ୱୀପ ସାହୁ, ତାପସ ନାୟକ, ଅଶ୍ୱିନୀ ମାଇତି ପ୍ରମୁଖ ଯୋଗ ଦେଇ ନିଜ ନିଜର ବକ୍ତବ୍ୟ ରଖିଥିଲେ । ଶେଷରେ ତାପସ ନାୟକ ଧନ୍ୟବାଦ ଅର୍ପଣ କରିଥିଲେ ।
