ସମ୍ବଲପୁର– ସ୍ଥାନୀୟ କଦମମାଲ, କ୍ଷେତରାଜପୁର ଠାରେ ଲାଇଫ ଇଣ୍ଡିଆ ଫାଉଣ୍ଡେସନ ତରଫରୁ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ସମ୍ବଲପୁରର ପ୍ରତ୍ୟେକ ୱାର୍ଡ କୁ କିପରି ସବୁଜ ସୁନ୍ଦର ରୂପ ପ୍ରଦାନ ଆଭିମୁଖ୍ଯ ବିଷୟରେ ଆଲୋଚନା କରାଯାଇଥିଲା । ଏହି କାର୍ଯ୍ୟକ୍ରମରେ ସଂଗଠନର ସଭାପତି ଆଇନଜୀବୀ ସ୍ବାଗତ କୁମାର ଘଡ଼େଇ, ମୁଖ୍ୟ ଅତିଥି ସୁଧୀର ବହିଦାର ଏବଂ ସମ୍ମାନିତ ଅତିଥି ଆଇନଜୀବୀ ସୁଦାମ ଚରଣ ଲୁହା ଓ ସମାଜସେବୀ ସଞ୍ଜୟ ଠାକୁର ବୃକ୍ଷରୋପଣ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ। ଶ୍ରୀ ବହିଦାର ପରିବେଶ ରକ୍ଷା ପାଇଁ ଯୁବପିଢିର ଭୂମିକା ଏବଂ ସଂଗଠନର ଦାୟିତ୍ଵ ବିଷୟରେ ଆଲୋକପାତ କରିଥିଲେ ଏବଂ ସୁଦାମ ଲୁହା ପରିବେଶ ଆଇନ୍ ବିଷୟରେ ଆଲୋକପାତ କରିଥିଲେ।
ସଂଗଠନର ଉପସଭାପତି ସିଦ୍ଧାର୍ଥ ମହାପାତ୍ର, ସମ୍ପାଦକ ଶମ୍ଭୁ କୁଷ୍ଟା, ଅର୍ଥ ସଂଚାଳକ ବିକାଶ ମହାପାତ୍ର, କୋଷାଧ୍ୟକ୍ଷ ଭାଗ୍ୟସିନି ବାର୍ଲା ଙ୍କ ସହିତ ସମାଜସେବୀ ପ୍ରତିମା ଶର୍ମା, ମନୋରଞ୍ଜନ ପ୍ରଧାନ, ନୀଳାମ୍ବର ରାଏ, ରାକେଶ ବେହେରା, ଜାଇରାଣୀ ବେହେରା, ସୁଶୀଳା ସାହୁ, ଅମିଶ ସୋନି, ପରେଶ୍ ପ୍ରଧାନ, ଶ୍ରୀକାନ୍ତ ସାହୁ, ରାମେଶ୍ବର ହୋତା ପ୍ରମୁଖ ବିଭିନ୍ନ ପ୍ରକାରର ବୃକ୍ଷରୋପଣ କରିଥିଲେ।
