ଭୁବନେଶ୍ୱର/ଖଡ଼ିଆ– ନଦୀରେ ଭାସି ଯାଉଥିବା ମହିଳା ଉଦ୍ଧାର । ମହିଳାଙ୍କୁ ଉଦ୍ଧାର କରି ସିନାପାଲି ମେଡିକାଲରେ ଭର୍ତି କରିଛି ଦମକଳ ବାହିନୀ l ନୂଆପଡା ଜିଲ୍ଲା ସିନାପାଲି ବ୍ଲକ ଗଡରାମାଲ ଗାଁର ନମିତା ସା ଗାଁ ନିକଟ ଉଦନ୍ତୀ ନଦୀକୁ ଗାଧୋଇବା ପାଇଁ ଯାଇଥିବା ବେଳେ ନଦୀରେ ଭାସି ଯାଇଥିଲେ l ପରେ ଖବର ପାଇ ସିନାପାଲି ଦମକଳ ବାହିନୀ ଟିମ ଉଦନ୍ତୀ ନଦୀରୁ ସଗୁନଭାଡ଼ି ଘାଟ ନିକଟରୁ ମହିଳାଙ୍କୁ ଉଦ୍ଧାର କରିଥିଲେ । ଏହାପରେ ସିନାପାଲି ମେଡିକାଲରେ ଉକ୍ତ ମହିଳାଙ୍କୁ ଭର୍ତି କରାଯାଇଛି l ସେଠାରେ ମହିଳା ଜଣକ ଚିକିତ୍ସିତ ହୋଇ ଘରକୁ ଫେରିଥିବା ସୂଚନା ମିଳିଛି ।
