ବଲାଙ୍ଗିର,ଆଜି ରାଷ୍ଟ୍ରୀୟ ସ୍ଵୟଂସେବକ ସଂଘ ଆନୁକୂଲ୍ୟରେ ଆଗଲପୁର ବ୍ଲକର କୁଟାସିଂହାଠାରେ କେଶବ ସଂଯୁକ୍ତ ବିଦ୍ୟାର୍ଥୀ ଶାଖା ଦ୍ଵାରା ଶ୍ରୀଗୁରୁଦକ୍ଷିଣା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଶାଖା କାର୍ଯ୍ଯବାହ ପ୍ରେମାନନ୍ଦ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ପରମ ପବିତ୍ର ଭଗବଧ୍ଵଜଙ୍କୁ ପୂଜନ କରାଯାଇଥିଲା । ମୁଖ୍ୟଅତିଥି ଭାବେ ରାଷ୍ଟ୍ରୀୟ ସ୍ଵୟଂସେବକ ସଂଘର ବଲାଙ୍ଗିର ସହ ବିଭାଗ କାର୍ଯ୍ଯବାହ ତଥା ଆଦର୍ଶ ଶିକ୍ଷକ ଯୋଗୀନ୍ଦ୍ର ଦାଶ ଯୋଗଦେଇଥିଲେ । ବ୍ୟକ୍ତିଗତ ଗୀତ ପରେପରେ ତାଙ୍କ ବକ୍ତବ୍ୟରେ ସେ ଭାରତୀୟ ଗୁରୁ ଶିଷ୍ୟର ଆଦର୍ଶ ପରମ୍ପରା, ଶ୍ରୀ ଗୁରୁଦକ୍ଷିଣା ଓ ଭଗବା ଧ୍ଵଜଙ୍କ ମହନୀୟତା ଉପରେ ସାରଗର୍ଭକ ବକ୍ତବ୍ୟ ପ୍ରଦାନ କରିଥିଲେ । ଶେଷରେ ଉପସ୍ଥିତ ସ୍ଵୟଂସେବକ ଗଣ ପୁଷ୍ପାଞ୍ଜଳି ଅର୍ପଣପୂର୍ବକ ପ୍ରାର୍ଥନା କରିଥିଲେ ।
କାର୍ଯ୍ୟକ୍ରମରେ ସହଯୋଗ କରିଥିଲେ ସମୀର ସାହୁ, ସତ୍ୟବାନ୍ ପସାୟତ, ରାମଜୀ ପାତ୍ର । ଅନ୍ୟମାନଙ୍କ ମଧ୍ୟରେ ରଘୁନାଥ ଭାଇ, ରାଘବ ଭାଇ, ତରଣୀ ଭାଇ, ପ୍ରେମେନ୍ଦ୍ର ଭାଇଙ୍କ ସମେତ ଶାଖାର ସମସ୍ତ ବାଲ, ତରୁଣ ସ୍ଵୟଂସେବକ ଯୋଗଦାନ କରିଥିଲେ ।
