ଭୁବନେଶ୍ୱର– ପଦ୍ମଶ୍ରୀ କମଳା ପୂଜାରୀଙ୍କ ବିୟୋଗରେ ଶୋକ ପ୍ରକାଶ କରିଛନ୍ତି ରାଜ୍ୟପାଳ ରଘୁବର ଦାସ । ସୋସିଆଲ ମିଡିଆ ଏକ୍ସରେ ରାଜ୍ୟପାଳ କହିଛନ୍ତି ଯେ, ସାମାଜିକ କାର୍ଯ୍ୟକର୍ତ୍ତା ତଥା ପଦ୍ମଶ୍ରୀ ପୁରସ୍କାରରେ ସମ୍ମାନିତ କମଳା ପୂଜାରୀଙ୍କ ବିୟୋଗ ଖବର ଶୁଣି ଗଭୀର ଦୁଃଖିତ । ଈଶ୍ୱର ତାଙ୍କ ଆତ୍ମାକୁ ତାଙ୍କ ଶ୍ରୀଚରଣରେ ସ୍ଥାନ ଦିଅନ୍ତୁ ଓ ତାଙ୍କ ପରିବାରକୁ ଏହି ପୀଡା ସହିବା ପାଇଁ ଶକ୍ତି ଦିଅନ୍ତୁ । ଚାଷକୁ ପ୍ରୋତ୍ସାହିତ କରିବା ଓ ସ୍ୱଦେଶୀ ଧାନର ବୀଜକୁ ସଂରକ୍ଷିତ କରିବାର ଉଦ୍ୟମ ପାଇଁ ତାଙ୍କୁ ସର୍ବଦା ମନେ ରଖାଯିବ ।
