କାଠମାଣ୍ଡୁ– ଗତ ସପ୍ତାହ ଶୁକ୍ରବାର ଭୋରରେ ତ୍ରିଶୁଳୀ ନଦୀ ଭିତରକୁ ଖସିପଡିଥିବା ଦୁଇଟି ବସ ଓ ନିଖୋଜ ଯାତ୍ରୀଙ୍କ ତଲାସୀ ଅଭିଯାନର କମାଣ ଭାରତରୁ ପହଂଚିଥିବା ଏନଡିଆରଏଫ ଟିମ ସମ୍ଭାଳିଛି । ଟିମ ଚିତବନର ସିମଲତାଲ ନିକଟରେ ରେସକ୍ୟୁ ଅପରେସନ ଆରମ୍ଭ କରିଛି । ନେପାଳ ସରକାରଙ୍କ ଔପଚାରିକ ଅନୁରୋଧକୁ ଗ୍ରହଣ କରି ଭାରତ ସରକାର ଏନଡିଆରଏଫର 12ଜଣ ସଦସ୍ୟଙ୍କୁ ପଠାଇଛନ୍ତି । ଏଠାରେ ସୂଚନାଯୋଗ୍ୟ ଏବେ ସୁଦ୍ଧା ଦୁଇଟି ବସ ସଂପର୍କରେ କୌଣସି ସୁରାକ ମିଳିନାହିଁ । ଦୁଇଟି ବସରେ 65 ଜଣ ଯାତ୍ରୀ ଥିଲେ । ଏବେ ସୁଦ୍ଧା 23ଜଣଙ୍କ ମୃତଦେହ ଜବତ ହୋଇଛି ।
