ଜୟପୁର– ଜୟପୁର ପାର୍କ ସାହି କାଳୀକୃଷ୍ଣ ମନ୍ଦିର ପରିସରରେ ଆଜି ଏକ ମାଗଣା ଆୟୁରବେଦିକ ସ୍ଵାସ୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି । ମନ୍ଦିର ପ୍ରତିଷ୍ଠାତା ସଦ୍ଗୁରୁଦେବ ସ୍ଵାମୀ ସତ୍ୟାନନ୍ଦ ସରସ୍ଵତୀ ମହାରାଜଙ୍କ ୮୨ତମ ଧରାବତରଣ ଦିବସ ଉପଲକ୍ଷେ ଏହା ଆୟୋଜିତ ହୋଇଥିଲା । ଶିବିରକୁ ମନ୍ଦିର ମୁଖ୍ୟ ଶ୍ରୀ ଶ୍ରୀ ଜଗଦାନନ୍ଦ ଉଦ୍ଘାଟନ କରିଥିବା ବେଳେ ଡାକ୍ତର ସମର ଦାସ, ଅମିତ କୁମାର ପାଢ଼ୀ ପ୍ରମୁଖ ପରିଚାଳନା କରିଥିଲେ । ଏଥିରେ ଶତାଧିକ ଲୋକ ସାମିଲ ହୋଇ ନିଜ ନିଜର ସ୍ଵାସ୍ଥ୍ୟ ପରୀକ୍ଷା କରାଇଥିଲେ ।
କାର୍ଯ୍ୟକ୍ରମକୁ ପରିଚାଳନାରେ ମୃତ୍ୟୁଞ୍ଜୟ ଠାକୁର, ଅର୍ଜୁନ ପଟ୍ଟନାୟକ, ଅନୀଲ ପଣ୍ଡା, ମୋହନ ପାଇକରାୟ, କଂସାରୀ ସାହୁ, ଗଜାନନ ମହାପାତ୍ର, ହୃଷିକେଶ ସାହୁ, ପି.ଲକ୍ଷ୍ମୀବାଇ, ଦିବାକର ଦଳେଇ ପ୍ରମୁଖ ସହଯୋଗ କରିଥିଲେ । ମହାରାଜଙ୍କ ଧରାବତରଣ ଦିବସ ଉପଲକ୍ଷେ ଟାଉନ୍, ସଦର ଥାନା, ଦୁର୍ନିତୀ ନିବାରଣ କାର୍ଯ୍ୟାଳୟ, ଉପଜିଲ୍ଲାପାଳ, ରାଜସ୍ଵ ନିରୀକ୍ଷକ, ଅବକାରୀ, ଆୟକର ବିଭାଗ କାର୍ଯ୍ୟାଳୟ ପରିସରରେ ପୂର୍ବାହ୍ନରେ ବୃକ୍ଷରୋପଣ କାର୍ଯ୍ୟକ୍ରମ ମଧ୍ୟ ଆୟୋଜିତ ହୋଇଥିଲା ।
