ନୂଆଦିଲ୍ଲୀ-ସୁପ୍ରିମକୋର୍ଟକୁ ଆଜି ଦୁଇ ନୂଆ ବିଚାରପତି ମିଳିଛି । ପ୍ରଧାନ ବିଚାରପତି ଡିୱାଇ ଚନ୍ଦ୍ରଚୂଡ ଜଷ୍ଟିସ ଏନ କୋଟେଶ୍ୱର ସିଂହ ଓ ଜଷ୍ଟିସ ଆର ମହାଦେବନଙ୍କୁ ସୁପ୍ରିମକୋର୍ଟ ବିଚାରପତି ଭାବେ ଶପଥ ପାଠ କରାଇଛନ୍ତି । ଦୁଇ ବିଚାରପତି ଶପଥ ନେବା ସହିତ ସୁପ୍ରିମକୋର୍ଟ ବିଚାରପତିଙ୍କ ମୋଟ ସ୍ୱୀକୃତ ସଂଖ୍ୟା 34 ହୋଇଛି । ଜଷ୍ଟିସ ଏନ କୋଟେଶ୍ୱର ସିଂହ ମଣିପୁରରୁ ସୁପ୍ରିମକୋର୍ଟ ବିଚାରପତି ହେବାରେ ପ୍ରଥମ ବ୍ୟକ୍ତି ଅଟନ୍ତି । ଜୁଲାଇ 11ରେ ସୁପ୍ରିମକୋର୍ଟ କଲେଜିୟମ ଏହି ଦୁଇଜଣଙ୍କୁ ସୁପ୍ରିମକୋର୍ଟ ବିଚାରପତି ଭାବେ ନିଯୁକ୍ତି କରିବାକୁ କେନ୍ଦ୍ରକୁ ସୁପାରିଶ କରିଥିଲେ । ଏହି ଅବସରରେ ସୁପ୍ରିମକୋର୍ଟର ସମସ୍ତ ବିଚାରପତି ଉପସ୍ଥିତ ଥିଲେ ।
