ଡୋଡା ଜଙ୍ଗଲରେ ଆତଙ୍କବାଦୀ ସହ ଗୁଳି ବିନିମୟରେ ଦୁଇ ଯବାନ ଆହତ

ଜମ୍ମୁ– ଜମ୍ମୁ କଶ୍ମୀରର ଡୋଡା ଜିଲ୍ଲାର ଏକ ଜଙ୍ଗଲରେ ଗୁରୁବାର ଭୋରରେ ଆତଙ୍କବାଦୀଙ୍କ ସହ ଗୁଳି ବିନିମୟରେ ଦୁଇ ଯବାନ ଆହତ ହୋଇଛନ୍ତି । ଅଧିକାରୀଙ୍କ ମୁତାବକ ଗୁଳି ବିନିମୟ କାସ୍ତିଗଡ ଅଂଚଳର ଜଦ୍ଦନ ବାଟା ଗାଁରେ ରାତି ଅଧ ପ୍ରାୟ 2ଟା ବେଳେ ହୋଇଥିଲା । ଆତଙ୍କବାଦୀମାନେ ଏକ ସରକାରୀ ସ୍କୁଲରେ ତଲାସୀ ଅଭିଯାନ ପାଇଁ ଥିବା ଏକ ଅସ୍ଥାୟୀ ସୁରକ୍ଷା ଶିବିର ଉପରକୁ ଗୁଳି ଚଳାଇଥିଲେ । ସୁରକ୍ଷାବଳ ଏହାର ଜବାବରେ ଗୁଳି ଚଳାଇଥିଲେ । ଉଭୟ ପକ୍ଷ ମଧ୍ୟରେ ପ୍ରାୟ ଘଂଟାଏ କାଳ ଗୁଳି ବିନିମୟ ଜାରି ରହିଥିଲା । ଆତଙ୍କବାଦୀଙ୍କ ଗୁଳି ବିନିମୟରେଦୁଇଜଣ ଯବାନ ସାମାନ୍ୟ ଆହତ ହୋଇଛନ୍ତି । ଆତଙ୍କବାଦୀଙ୍କୁ ମାରିବା ପାଇଁ ଉଦ୍ୟମ ଜାରି ରହିଛି ।