ଭୁବନେଶ୍ୱର/ଢେଙ୍କାନାଳ– ଢେଙ୍କାନାଳ ଜିଲ୍ଲା ନିହଲପ୍ରସାଦ ଥାନା ଅନ୍ତର୍ଗତ ପୁରୁଣାଅମାଙ୍ଗରେ ଅଘଟଣ । ଗତକାଲି ବିଳମ୍ବିତ ରାତିରେ ପାରିବାରିକ କଳହରୁ ଶଶୁର ଓ ଶଳାକୁ ଧାରୁଆ ଛୁରୀରେ ଆକ୍ରମଣ କରିଛି ଜ୍ୱାଇଁ । ଆକ୍ରମଣରେ ଶ୍ୱଶୁର ଗୋବିନ୍ଦ ସାହୁ (୬୨)ର ମୁଣ୍ଡରେ ଆଘାତ ଲାଗିଥିବା ବେଳେ ଶଳା ଗୌତମ ସାହୁ (୨୮)ର ବେକରେ ଲାଗିଛି ଆଘାତ । ଉଭୟ ଗୁରୁତରଙ୍କୁ ପ୍ରଥମେ ଢ଼େଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ପରେ କଟକ ସ୍ଥାନାନ୍ତର କରାଯାଇଛି । ଅନ୍ୟପଟେ ଜ୍ବାଇଁ ସୁଶାନ୍ତ ନିହଲ ପ୍ରସାଦ ଥାନାରେ ଅଟକ ଥିବା ସୂଚନା ମିଳିଛି ।
