ଭୁବନେଶ୍ୱର, ଗୋମାଂସ ବୋଝେଇ ପିକଅପ ଭ୍ୟାନ ଜବତ । ଗତକାଲି ବିଳମ୍ବିତ ରାତିରେ ରାଜ୍ୟ ବାହାରକୁ ଗୋ ମାଂସ ଚାଲାଣ ବେଳେ ପିକଅପ ଭ୍ୟାନକୁ ଗୋଡ଼ାଇ ଧରିଛନ୍ତି ସ୍ଥାନୀୟ ଲୋକେ । ପୁରୀ ଆଡୁ ପିକଅପ ଭ୍ୟାନଟି ଆସିଥିବା ବେଳେ ନୟାପଲି କ୍ରାଉନ ହୋଟେଲ ସାମ୍ନାରେ କିଛି ଯୁବକ ଓ ସ୍ଥାନୀୟ ଲୋକେ ଏହାକୁ ଧରିଛନ୍ତି । ଗାଡି ଛାଡି ଡ୍ରାଇଭର ଓ ହେଲ୍ପର ଫେରାର ହୋଇଯାଇଛନ୍ତି । ଘଟଣା ସ୍ଥଳରୁ ଗୋ ମାଂସ ବୋଝେଇ ଗାଡିକୁ ଜବତ କରିଛି ନୟାପଲି ଥାନା ପୋଲିସ । ଏହି ଭ୍ୟାନରେ 5କୁଇଣ୍ଟାଲରୁ ଅଧିକ ଗୋମାଂସ ଚାଲାଣ ହେଉଥିଲା । ଗୋ ମାଂସ ଚାଲାଣ ପଛରେ କିଏ ସେନେଇ ଅଧିକ ଖୋଳ ତାଡ କରୁଛି ପୋଲିସ ।
