ଭୁବନେଶ୍ୱର/କଟକ– ବିଦ୍ୟୁତ୍ ଆଘାତରେ ଜଣେ ମୃତ । କଟକ ଜିଲ୍ଲା ନରସିଂହପୁର ବ୍ଲକ ସ୍ଥିତ ଗଣଗଣା ଗ୍ରାମର ବସନ୍ତ କୁମାର ରାଉତ(୫୦ ବର୍ଷ )ଙ୍କର ବିଦ୍ୟୁତ କରେଣ୍ଟ ଲାଗି ମୃତ୍ୟୁ ହୋଇଛି । ଆଜି ସକାଳେ ମଟର ପମ୍ପ ଠିକ କରୁଥିବା ସମୟରେ କରେଣ୍ଟ ଲାଗିଥିଲା । ସଙ୍ଗେ ସଙ୍ଗେ ତାଙ୍କୁ ନରସିଂହପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। ଡ଼ାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। ତାଙ୍କ ବିୟୋଗରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।
