ଭୁବନେଶ୍ୱର/ଝାରସୁଗୁଡା, ଦୁର୍ବୁତ୍ତଙ୍କ ଛୁରା ମାଡରେ ଯୁବକ ମୃତ l ଝାରସୁଗୁଡା ଜିଲ୍ଲା ବେଲପାହାଡ଼ ଫାଟକ ଠାରେ ବେଲପାହାଡ ବଜାରପଡାର ଜଗା ସାହୁ (୨୪) ଙ୍କୁ ଛୁରାମାଡ କରି ଫେରାର ହୋଇଯାଇଥିଲେ ଦୁର୍ବୁତ୍ତ l ବେଲପାହାଡ ପୋଲିସ ଘଟଣାସ୍ଥଳରେ ପହଞ୍ଚି ସ୍ଥାନୀୟ ଲୋକଙ୍କ ସହାୟତାରେ ଜଗା ସାହୁଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ବେଲପାହାଡ଼ସ୍ଥିତ ସ୍ଥାନୀୟ ଡାକ୍ତରଖାନାରେ ଭର୍ତି କରିଥିଲା । ତେବେ ଅଧିକ ଚିକିତ୍ସା ପାଇଁ ଜଗାଙ୍କୁ ବୁର୍ଲା ଡ଼ାକ୍ତରଖାନାକୁ ସ୍ଥାନାନ୍ତର କରାଯିବା ବାଟରେ ଆହତଙ୍କ ମୃତ୍ୟୁ ହୋଇଛି l ବେଲପାହାଡ଼ ପୁଲିସ ଘଟଣାର ତଦନ୍ତ ଆରମ୍ଭ କରିଛି ଏବଂ କିଛି ସ୍ଥାନୀୟ ଯୁବକଙ୍କୁ ରାତାରାତି ଉଠାଇ ଆଣି ତଦନ୍ତ କରୁଛି l ଘଟଣାର ପ୍ରତିବାଦରେ ବେଲପାହାଡ଼ ଫାଟକ ଠାରେ ସ୍ଥାନୀୟ ଜନସାଧାରଣ ରାସ୍ତାରୋକ କରିବା ସହ ବିକ୍ଷୋଭ ପ୍ରଦର୍ଶନ କରିଛନ୍ତି ।
