ପୁରୀ– କଟକଣା ଉଲ୍ଲଙ୍ଘନ କରି ରଥରେ ଚଢ଼ିବା ଘଟଣାରେ ଦୁଇ ଅଧିକାରୀଙ୍କ ବିରୋଧରେ ପୁରୀ ସିଂହଦ୍ଵାର ଥାନାରେ ଏତଲା କରିଛି ଶ୍ରୀମନ୍ଦିର ପ୍ରଶାସନ । ପେନ୍ ଡ୍ରାଇଭ୍ ରେ ଏହାର ଫଟୋ ଓ ଭିଡ଼ିଓ ଫୁଟେଜ୍ କୁ ମଧ୍ୟ ସିଂହଦ୍ଵାର ଥାନାକୁ ହସ୍ତାନ୍ତର କରାଯାଇଛି ।
ପ୍ରକାଶ ଥାଉକି, ଗତ ୭ ତାରିଖରେ ଶ୍ରୀଗୁଣ୍ଡିଚା ଯାତ୍ରା ସମୟରେ ତିନି ରଥ ସିଂହଦ୍ଵାର ସମ୍ମୁଖରେ ଥିବାବେଳେ ଏହି ଘଟଣା ଘଟିଥିଲା । ପ୍ରଶାସନର କଟକଣାକୁ ଉଲ୍ଲଙ୍ଘନ କରି ରଥ ଉପରେ ଚଢ଼ିଥିଲେ କେନ୍ଦ୍ର ସରକାରଙ୍କ ଜଣେ ଅଧିକାରୀ ଏବଂ ଜଣେ ସମବାୟ ଅଧିକାରୀ ।
