କାଠମାଣ୍ଡୁ– ଶୁକ୍ରବାର ଭୋରରେ ନଦୀକୁ ଖସିପଡି ଦୁର୍ଘଟଣାଗ୍ରସ୍ତ ହୋଇଥିବା ଦୁଇଟି ବସରେ ଥିବା 65 ଯାତ୍ରୀଙ୍କ ତଲାସୀରେ ଚାଲିଥିବା ଅଭିଯାନରେ ଏବେ ସୁଦ୍ଧା କେବଳ 5ଟି ମୃତଦେହ ଜବତ ହୋଇଛି । 150 କିଲୋମିଟର ପରିସର ଯାଏ ତଲାସୀ ଅଭିଯାନ ପରେ ବି ରବିବାର ସକାଳ ସୁଦ୍ଧା ସେତେଟା ସଫଳତା ମିଳିନି । ଏପରିକି ଦୁର୍ଘଟଣାର ଶିକାର ହୋଇଥିବା ଦୁଇଟି ବସର ଏବେ ସୁଦ୍ଧା କୌଣସି ପତ୍ତା ମିଳିନି । ଶନିବାର ତିନୋଟି ମୃତଦେହ ଜବତ ହୋଇଥିବା ବେଳେ ରବିବାର ସକାଳେ ଦୁଇଟି ମୃତଦେହ ଉଦ୍ଧାର ହୋଇଛି । ପୂର୍ବ ନଭଲପରାସୀ ଜିଲ୍ଲାର ଗୋଲାଘାଟ ନିକଟରୁ ଏହି ମୃତଦେହ ଜବତ ହୋଇଛି ।
