କୋଲକାତା, କୋଲକାତା ଦମଦମ ଅଂଚଳର ନାଗେରବଜାର ନିକଟରେ ଯଶୋର ରୋଡ ସ୍ଥିତ ଏକ ଟି-ସାର୍ଟ ଫ୍ୟାକ୍ଟ୍ରିରେ ଶୁକ୍ରବାର ଭୟାବହ ଅଗ୍ନିକାଣ୍ଡ ହୋଇଛି । ନିଆଁ ଲିଭାଇବା ପାଇଁ ଘଟଣାସ୍ଥଳରେ 20ଟି ଦମକଳ ଗାଡି ନିୟୋଜିତ ହୋଇଛନ୍ତି । ପୂରା ଅଂଚଳ ଧୂଆଁମୟ ହୋଇଯାଇଛି । ତେବେ ଆଶ୍ୱସ୍ତିର କଥା ହେଉଛି ଫ୍ୟାକ୍ଟ୍ରିରେ କୌଣସି କର୍ମଚାରୀ ଫସିନାହାନ୍ତି । ସମସ୍ତଙ୍କୁ ସୁରକ୍ଷିତ ସ୍ଥାନକୁ ନିଆଯାଇଛି । ସ୍ଥାନୀୟ ସୂତ୍ର ମୁତାବକ, ଏହି ଫ୍ୟାକ୍ଟ୍ରି ସରୋଜିନୀ ନାଇଡୁ କଲେଜର ଠିକ ନିକଟରେ ରହିଛି। ଫ୍ୟାକ୍ଟ୍ରି ନିକଟ ଏକ ଘରୋଇ ଆଇସକ୍ରିମ କଂପାନୀର ଗୋଦାମ ବି ରହିଛି, ଯେଉଁଠି ସର୍ବପ୍ରଥମେ ବିସ୍ଫୋରଣର ଶବ୍ଦ ଶୁଣିବାକୁ ମିଳିଥିଲା । ଏହାପରେ ନିଆଁ ଲାଗିଥିବା ଜଣାପଡିଥିଲା ।
