ନୂଆଦିଲ୍ଲୀ,ରାଷ୍ଟ୍ରପତି ଭବନର ବ୍ୟାଡମିଂଟନ କୋର୍ଟରେ କାଲି ରାଷ୍ଟ୍ରପତି ଦ୍ରୌପଦୀ ମୁର୍ମୁ ଅଲମ୍ପିକରେ କାଂସ୍ୟ ପଦକ ବିଜେତା ସାଇନା ନେହୱାଲଙ୍କ ସହିତ ବ୍ୟାଡମିଂଟନ ଖେଳିଛନ୍ତି । 66 ବର୍ଷୀୟ ମୁର୍ମୁ ଅନେକ ଆକର୍ଷଣୀୟ ସଟ୍ ଖେଳିଥିଲେ । ସାଇନା ଅନେକ ସ୍ମାସ ସଟ୍ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ । ରାଷ୍ଟ୍ରପତି ଭବନ ପକ୍ଷରୁ ଏକ୍ସ ହ୍ୟାଣ୍ଡେଲରେ ଏହି ଅବସରର କିଛି ଫଟୋ ସେୟାର କରାଯାଇଛି । ଏକ୍ସ ହ୍ୟାଣ୍ଡେଲ ମୁତାବକ ପଦ୍ମ ପୁରସ୍କାର ବିଜେତାଙ୍କ ‘ଉନକୀ କହାନୀ-ମେରୀ କହାନୀ’ ବ୍ୟାଖ୍ୟାନ ଶୃଙ୍ଖଳାର ଅଂଶ ଭାବେ ପଦ୍ମଶ୍ରୀ ଓ ପଦ୍ମଭୂଷଣରେ ସମ୍ମାନିତ ଭାରତୀୟ ଖେଳାଳି ସାଇନା ନେହୱାଲ ଆଜି ରାଷ୍ଟ୍ରପତି ଭବନର ସାଂସ୍କୃତିକ କେନ୍ଦ୍ରରେ ବ୍ୟାଖ୍ୟାନ ଦେବେ ଏବଂ ଦର୍ଶକଙ୍କ ସହିତ କଥା ହେବେ ।
