![](https://indokalingtimes.com/wp-content/uploads/2021/07/IKT-NEWS-1.jpg)
ୱାଶିଂଟନ– ନାଟୋ ଶିଖର ସମ୍ମିଳନୀରେ ଆମେରିକା ରାଷ୍ଟ୍ରପତି ଜୋ ବାଇଡେନ କହିଛନ୍ତି ଯେ, ଋଷ ୟୁକ୍ରେନ ସହିତ ଯୁଦ୍ଧରେ ବିଫଳ ହେଉଛି । ଏହି ଅବସରରେ ବାଇଡେନ ୟୁକ୍ରେନକୁ ବାୟୁ ସୁରକ୍ଷା ଉପକରଣ ଦେବାର ଘୋଷଣା କରି ନାଟୋ ଦେଶକୁ କହିଛନ୍ତି ଯେ, କୌଣସି ଭୁଲ ନକରନ୍ତୁ, ଋଷ ଏହି ଯୁଦ୍ଧରେ ବିଫଳ ହେଉଛି । ବାଇଡେନ ନିଜ ସମ୍ବୋଧନରେ କହିଛନ୍ତି ଯେ, ୟୁକ୍ରେନ ପୁଟିନକୁ ରୋକିବାରେ ସଫଳ ହେବ । ୱାଶିଂଟନ ଡିସିରେ ମଙ୍ଗଳବାରୁ ଆରମ୍ଭ ହୋଇଥିବା ନର୍ଥ ଆଟଲାଂଟିକ ଟ୍ରିଟି ଅର୍ଗାନେଇଜେସନର ଶିଖର ସମ୍ମିଳନୀ ବହୁତ ସ୍ୱତନ୍ତ୍ର ଅଟେ ।
ନାଟୋ ନିଜ ସ୍ଥାପନାର 75 ବର୍ଷ ପୂରଣ କରିଛି । ଏହି ଅବସରରେ ବାଇଡେନ କହିଛନ୍ତି ଯେ, ଆମେରିକା, ଜର୍ମାନୀ, ନେଦରଲ୍ୟାଣ୍ଡ, ରୋମାନିଆ ଓ ଇଟାଲୀ ୟୁକ୍ରେନକୁ ପାଂଚ ଅତିରିକ୍ତ ସାମରିକ ବାୟୁ ସୁରକ୍ଷା ପ୍ରଣାଳୀ ଉପଲବ୍ଧ କରାଇବେ ।