ନୂଆଦିଲ୍ଲୀ– ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଋଷ ଓ ଅଷ୍ଟ୍ରିଆ ଗସ୍ତ ପୂରଣ କରି ଆଜି ସକାଳେ ସ୍ୱଦେଶ ଫେରିଛନ୍ତି । ତାଙ୍କ ସ୍ୱତନ୍ତ୍ର ବିମାନ ଇନ୍ଦିରା ଗାନ୍ଧି ଇଂଟରନ୍ୟାସନାଲ ଏୟାରପୋର୍ଟରେ ଲ୍ୟାଣ୍ଡ ହୋଇଛି । ପ୍ରଧାନମନ୍ତ୍ରୀ ରାତିରେ ଅଷ୍ଟ୍ରିଆରୁ ସ୍ୱଦେଶ ଫେରିଥିଲେ । ନୂଆଦିଲ୍ଲୀ ପହଂଚିବା ପରେ ତାଙ୍କର ସ୍ୱାଗତ କରାଯାଇଛି । ପ୍ରଧାନମନ୍ତ୍ରୀ ମୋଦି ଏହି ଯାତ୍ରା ସମୟରେ ଦୁଇଦେଶର ଶୀର୍ଷ ନେତୃତ୍ୱଙ୍କ ସହ ଆଲୋଚନା କରିଛନ୍ତି ଏବଂ ଦ୍ୱିପାକ୍ଷିକ ସହଯୋଗ ବଢାଇବାର ତରିକା ଉପରେ ଆଲୋଚନା କରିଛନ୍ତି । ଅଷ୍ଟ୍ରିଆରୁ ଫେରିବା ପରେ ପ୍ରଧାନମନ୍ତ୍ରୀ କାର୍ଯ୍ୟାଳୟ ଏକ୍ସରେ କହିଥିଲେ ଯେ, ପ୍ରଧାନମନ୍ତ୍ରୀ ମୋଦି ଅଷ୍ଟ୍ରିଆର ସଫଳ ଯାତ୍ରା ପୂରଣ କରିବା ପରେ ନୂଆଦିଲ୍ଲୀ ଅଭିମୁଖେ ବାହାରିଥିଲେ ।
