ପାଟଣା -ବିହାରର ବେଗୁସରାୟ ଜିଲ୍ଲାର ବିହଟ ଗାଁର ରତ୍ନଚୌକ ନିକଟରେ ମଙ୍ଗଳବାର ସକାଳେ ହୋଇଥିବା ସଡକ ଦୁର୍ଘଟଣାରେ 5ଜଣ ଲୋକଙ୍କ ମୃତ୍ୟୁ ହୋଇଥିବା ବେଳେ 3ଜଣ ଆହତ ହୋଇଛନ୍ତି । ଆହତଙ୍କ ମଧ୍ୟରୁ 2ଜଣଙ୍କ ଅବସ୍ଥା ଗୁରୁତର ରହିଛି । କାର ଓ ଅଟୋ ମଧ୍ୟରେ ଧକ୍କା ଯୋଗୁ ଏହି ଦୁର୍ଘଟଣା ଘଟିଛି । ଦୁର୍ଘଟଣା ଏତେ ଭୟାବହ ଥିଲା ଯେ, ଅଟୋରେ ଥିବା 11ଜଣ ଲୋକଙ୍କ ମଧ୍ୟରୁ 5ଜଣଙ୍କ ମୃତ୍ୟୁ ହୋଇଛି । କାରରେ ଥିବା 3ଜଣ ଲୋକ ଆହତ ହୋଇଛନ୍ତି । ପୋଲିସ ମୁତାବକ 5ଜଣ ଲୋକ ହାଥୀଦହ ଜଙ୍କସନରୁ ବେଗୁସରାୟ ପାଇଁ ଅଟୋରେ ଯାଉଥିଲେ । ତେବେ ରତନ ଚୌକ ନିକଟରେ କାର ଓ ଅଟୋ ମଧ୍ୟରେ ଏକ ଧକ୍କା ହୋଇଥିଲା ।
